اے ٹی پی رینکنگ میں تیسرے نمبر کے کھلاڑی کارلوس الکاراز نے کلائی کی چوٹ کی وجہ سے چار مہینے کے وقفے کے بعد سنگلز میں واپسی کرتے ہوئے نیویارک میں پیر کی دوپہر رومن سفیولین کو۴۔۶، ۴۔۶، ۴۔۶؍ سے ہرا دیا۔ الکاراز، جنہوں نے گزشتہ ہفتے یو ایس اوپن مکسڈ ڈبلز میں سیرینا ولیمز کے ساتھ کھیل کر کمپیٹیٹو واپسی کی تھی، نے اپنے ٹائٹل دفاع کا آغاز شاندار انداز میں کیا۔

اے ٹی پی رینکنگ میں تیسرے نمبر کے کھلاڑی کارلوس الکاراز نے کلائی کی چوٹ کی وجہ سے چار مہینے کے وقفے کے بعد سنگلز میں واپسی کرتے ہوئے نیویارک میں پیر کی دوپہر رومن سفیولین کو۴۔۶، ۴۔۶، ۴۔۶؍ سے ہرا دیا۔ الکاراز، جنہوں نے گزشتہ ہفتے یو ایس اوپن مکسڈ ڈبلز میں سیرینا ولیمز کے ساتھ کھیل کر کمپیٹیٹو واپسی کی تھی، نے اپنے ٹائٹل دفاع کا آغاز شاندار انداز میں کیا۔

25-3.

Carlos Alcaraz becomes the second-fastest man in the Open Era to clinch 25 wins at the US Open! pic.twitter.com/1ZXfUanGCp

— US Open Tennis (@usopen) August 31, 2026

الکاراز نے کہا کہ ’’میرے لیے گزشتہ پانچ مہینے بہت مشکل رہے ہیں، اس لیے آرتھر ایش میں قدم رکھنا اور پھر سے مقابلہ کرنا... جیسا کہ میں نے ٹورنامنٹ سے پہلے کہا تھا، واپسی کے لیے یو ایس اوپن اور نیویارک سے بہتر ٹورنامنٹ کوئی اور نہیں ہو سکتا تھا۔ یہ میرے لیے سچ میں ایک خاص جگہ اور خاص ٹورنامنٹ ہے۔‘‘ انہوں نے کہا کہ ’’میں نے جتنا ہو سکے اتنا لطف اندوز ہونے کی کوشش کی۔ مجھے اس کی کمی محسوس ہو رہی تھی۔ مجھے بھیڑ اور انرجی کی کمی محسوس ہو رہی تھی۔ مجھے مقابلے کی کمی محسوس ہو رہی تھی۔ مجھے سب کچھ یاد آ رہا تھا، اس لیے میں بہت خوش ہوں کہ میں پھر سے مقابلہ کر پایا۔‘‘

یہ بھی پڑھئے:لبوشین آسٹریلیا کی ون ڈے ٹیم سے باہر

الکاراز نے اپنے داہنے ہاتھ پر سفید پٹی باندھ کر کھیلا اور آرتھر ایش اسٹیڈیم میں پہلے دور کے میچ میں آہستہ آہستہ ردھم پکڑی۔ شاید شروعاتی دور میں انہوں نے اپنی سروس اور فور ہینڈ پر تھوڑا ضبط برتا۔ لیکن جلد ہی انہوں نے ۹۵؍ میل فی گھنٹہ کی رفتار والے فور ہینڈ ونر سے ساتویں گیم میں بریک حاصل کر کے تماشائیوں کا دل جیت لیا۔ دو گھنٹے ۲۲؍ منٹ تک جاری رہنے والی اس جیت کے دوران انہیں جسمانی طور پر کوئی پریشانی نہیں ہوئی۔
الکاراز نے اپنی کلائی کے بارے میں پوچھے جانے پر کہا’’سچ کہوں تو میچ کو لے کر مجھے کچھ شبہات تھے۔ میں سوچ رہا تھا کہ کیا میں بیسٹ آف فائیو  میچ میں ٹک پاؤں گا؟ کیا میں چار یا پانچ سیٹ تک کھیل پاؤں گا؟ مجھے معلوم نہیں تھا۔ اس لیے مجھے تھوڑا شک تھا، لیکن میں نے سب کچھ بھول کر ان چیزوں پر توجہ مرکوز کرنے کی کوشش کی جو مجھے کرنی تھیں اور جن میں میں نے سدھار کرنے کی کوشش کی تھی۔ میں سوچ رہا تھا، دیکھتے ہیں میچ میں کیا ہوتا ہے ۔ میں بس خوش ہوں کہ میں نے اسٹریٹ سیٹوں میں جیت حاصل کی، ایک اور جیت ملی اور جسمانی طور پر بھی میں نے بہت اچھا کھیلا۔‘‘

یہ بھی پڑھئے:جارج مائیکل کو ۲۰۲۶ء میں ’’ عظیم میوزک آئیکون‘‘ قرار دے دیا گیا

الکاراز یو ایس اوپن کا خطاب بچانے والے پہلے کھلاڑی بننے کی کوشش کر رہے ہیں۔ ان سے پہلے راجر فیڈرر نے ۲۰۰۴ء سے ۲۰۰۸ء کے درمیان مسلسل پانچ بار یہ خطاب جیتا تھا۔ اسپین کے اس کھلاڑی نے نیویارک میں دو بار چیمپئن شپ جیتی ہے۔  ۲۰۲۵ء کی جیت سے پہلے انہوں نے ۲۰۲۲ء میں اپنا پہلا بڑا خطاب وہاں جیتا تھا۔
اس جیت کے ساتھ، الکاراز کا ۲۰۲۶ء میں میجر ٹورنامنٹس میں ریکارڈ ۰۔۸؍ ہو گیا ہے، انہوں نے جنوری میں آسٹریلین اوپن جیت کر کریئر گرینڈ سلیم مکمل کیا تھا۔ ۲۳؍ سال کے الکاراز دوسرے راؤنڈ میں جائمے فاریا کا سامنا کریں گے، جنہوں نے اتوار کو گھریلو کھلاڑی جینسن بروکسبی کو ہرایا تھا۔