سیری ، جیمینائی کی طاقتوں سے لیس ہوگی، ایپل گوگل کوکروڑوں روپے کی ادائیگی کر رہا ہے۔ اگلے سال مارچ اس میں اپ ڈیٹ آسکتاہے۔

اب تک ایپل کی سیری اے آئی کی دوڑ میں بہت پیچھے تھی لیکن اب نہیں۔ ایپل نے سیری کو مزید اسمارٹ بنانے کے لیے گوگل کے ساتھ شراکت داری کی ہے اور اگلے سال تک، سیری کو جیمینائی کی طاقتوں سے لیس دیکھ سکتے ہیں۔
اب تک ایپل کے ورچوئل اسسٹنٹ سیری کو دوسروں کے مقابلے میں نمایاں طور پر کمزور سمجھا جاتا تھا، لیکن یہ اب تبدیل ہونے والا ہے۔ ایپل اپنے ورچوئل اسسٹنٹ سیری کو گوگل جیمینائی کی طاقتوں سے لیس کرنے والا ہے۔ رپورٹس کے مطابق سیری کا نیا ورژن اگلے سال مارچ تک سب کے لیے دستیاب ہوگا۔ ایپل نے اس کے لیے گوگل کو ایک خصوصی ٹاسک سونپا ہے۔
سیری جیمینائی کی طاقتوں سے لیس ہوگا۔ اگلے سال مارچ تک، صارفین  آئی فون پر سیری کا نیا ورژن دیکھ سکتے ہیں۔ ایپل نے اس کے لیے تیاری کر لی ہے۔ اے آئی کے معاملے  میں پیچھے رہنے والی ایپل کی سیری ایک نئے حل پر کام کر رہی ہے۔ رپورٹس میں دعویٰ کیا گیا ہے کہ ایپل نے گوگل کوجیمینائی پر مبنی ایک خصوصی ماڈل تیار کرنے کے لیے ادائیگی کی ہے جوکہ کروڑوں  میں ہے۔ اس کے لئے ایپل کمپنی گوگل کو سالانہ ایک بلین ڈالرس فیس ادا کرے گی ۔ یہ ماڈل ایپل کے پرائیویٹ کلاؤڈ کمپیوٹ سرورز پر کام کرے گا۔ تاہم، اس کا لازمی مطلب یہ نہیں ہے کہ گوگل کی خدمات یا جیمینائی سیری میں نظر آئیں گے۔ 
جیمینائی ماڈل سیری استعمال کرتے وقت پس منظر میں چلے گا، لیکن صارف کے لیے سیری کی ظاہری شکل نہیں بدلے گی۔ بتایا جا رہا ہے کہ سیری کواے آئی   سے چلنے والا ویب سرچ فیچر ملے گا، جو اسے زیادہ  تیز اور اسمارٹ بنائے گا تاہم ماہرین کا کہنا ہے کہ صرف وقت ہی بتائے گا کہ سیری واقعی کتنی اسمارٹ بنتی ہے اور لوگ اسے پسند کرتے ہیں یا نہیں۔
کیا یہ مارچ میں شروع ہوگی؟
بلومبرگ کے مارک گورمین نے رپورٹ کیا ہے کہ مارچ۲۰۲۶ء میں نئی سیری اپ ڈیٹ کے ساتھ، ایپل ایک اسمارٹ ہوم ڈسپلے پروڈکٹ بھی لانچ کر سکتا ہے۔ یہ ڈسپلے اسپیکر بیس اور وال ماؤنٹ دونوں آپشنز پیش کرے گا۔ مزید برآں، گرومین  کا دعویٰ ہے کہ ہم جلد ہی ایپل سے ایک نیا ایپل ٹی وی اور ہوم پوڈ منی دیکھ سکتے ہیں۔ ایپل ان کے ذریعے سری فیچرز بھی دکھائے گا۔ بتایا جاتا ہے کہ جون۲۰۲۶ء میں ڈبلیو ڈبلیو ڈی سی  ایونٹ میں ایپل آئی او ایس ۲۷  ، میک او ایس، واچ او ایس ۲۷ ؍ اور دیگر آپریٹنگ سسٹمز کا پیش نظارہ کرے گا۔

یہ بھی پڑھئے:نیوزی لینڈ ہندوستان کی تیزی سے بڑھتی ہوئی مارکیٹ سے فائدہ اٹھائے گا: گوئل

اس ایونٹ کا فوکس ایپل انٹیلی جنس اور کمپنی کی اے آئی حکمت عملی ہوگی۔ایپل انٹیلی جنس چین میں پھنس گئی۔یہ بات قابل غور ہے کہ ایپل کو چین میں ایپل انٹیلی جنس لانچ کرنے میں مشکلات کا سامنا ہے۔ ایپل نے اس مقصد کے لیے چینی کمپنیوں کے ساتھ شراکت داری کی ہے تاہم ریگولیٹری مسائل کی وجہ سے لانچ فی الحال تعطل کا شکار ہے۔ چینی حکومت کی سخت پالیسیوں اور ڈیٹا پرائیویسی کے ضوابط کی وجہ سے، یہ واضح نہیں ہے کہ ایپل انٹیلی جنس کے لیے لانچ کی تاریخ کیا ہوگی۔