بالی ووڈ کا منظرنامہ اُس وقت بدل گیا جب اریجیت سنگھ نے اعلان کیا کہ وہ مستقل طور پر پلے بیک سنگنگ سے کنارہ کشی اختیار کر رہے ہیں۔ انہوں نے یہ اعلان اپنے انسٹاگرام اور ایکس (ایکس ) اکاؤنٹس پر کیا اور تصدیق کی کہ اب وہ فلموں کے لیے پلے بیک ریکارڈنگ نہیں کریں گے۔

بالی ووڈ کا منظرنامہ اُس وقت بدل گیا جب اریجیت سنگھ نے اعلان کیا کہ وہ مستقل طور پر پلے بیک سنگنگ سے کنارہ کشی اختیار کر رہے ہیں۔ انہوں نے یہ اعلان اپنے انسٹاگرام اور ایکس (ایکس ) اکاؤنٹس پر کیا اور تصدیق کی کہ اب وہ فلموں کے لیے پلے بیک ریکارڈنگ نہیں کریں گے۔
اس کا مطلب یہ ہے کہ اب فلموں میں درد اور محبت کے لمحات پر اریجیت سنگھ کی آواز سنائی نہیں دے گی۔ اگرچہ بہت سے لوگ یہ سمجھ سکتے ہیں کہ وہ انڈسٹری اور اپنے مداحوں کو ہمیشہ کے لیے الوداع کہہ رہے ہیں، لیکن حقیقت اس کے بالکل برعکس ہے۔ دراصل وہ فلم سازی کے ذریعے بالی ووڈ میں اور بھی گہرائی سے قدم رکھ رہے ہیں۔
پنک ولا کے مطابق، اریجیت سنگھ کافی عرصے سے فلمساز بننے کا ارادہ رکھتے تھے۔ ان کا پہلا پروجیکٹ ایک بڑے بجٹ پر مبنی جنگل ایڈونچر فلم ہوگی، جس میں اُن کے اپنے بیٹے کے ساتھ ساتھ نوازالدین صدیقی کی بیٹیـ بھی نظر آئیں گی۔ اس فلم کی مشترکہ پروڈیوسر اُن کی اہلیہ کوئل سنگھ ہوں گی۔

یہ بھی پڑھئے:فلم ’’بیٹل آف گلوان‘‘ کا گیت’’ماتربھومی‘‘ کس سابق وزیرِ اعظم کی تقریر سے متاثر ہے؟

ذرائع کے مطابق اریجیت کافی عرصے سے ہدایت کار بننے کا  خیال کر رہے تھے اور خاموشی سے ایک پرجوش اسکرپٹ تیار کر رہے تھے۔ بطور ہدایت کار ان کی پہلی فیچر فلم ایک منفرد جنگل ایڈونچر ہوگی، جسے انہوں نے خود کوئل سنگھ کے ساتھ مل کر لکھا ہے۔  ذرائع نے مزید بتایاکہ  یہ ایک بڑا اور پرجوش جنگل ایڈونچر پروجیکٹ ہے  اور اریجیت اپنی ٹیم کے ساتھ پری پروڈکشن پر کام کر رہے ہیں۔ اگلے ایک ماہ میں فلم کاسٹنگ کے مرحلے میں داخل ہوگی  اور منصوبہ یہ ہے کہ ایک شاندار اور مضبوط اسٹار کاسٹ کو فلم کا حصہ بنایا جائے۔  اس فلم کو مہاویر جین بھی پروڈیوس کریں گے۔ نوازالدین صدیقی فلم میں خصوصی کردار میں نظر آئیں گے  جبکہ دیبیندو بھٹاچاریہ جیسے اداکار بھی کاسٹ کا حصہ ہوں گے۔

یہ بھی پڑھئے:فضائی آلودگی پرعدالت ممبئی اور نوی ممبئی میونسپل کارپوریشن پربرہم

یہ اریجیت سنگھ کی فلم سازی میں پہلی کوشش نہیں
اریجیت سنگھ اس سے قبل ۲۰۱۸ء میں بنگالی فلم  سا   کی ہدایت کاری کر چکے ہیں، جس میں ان کے بیٹے نے بطور اداکار آغاز کیا تھا۔ یہ فلم ایک کم عمر لڑکے کے موسیقی کے سفر اور اس سے محبت کی کہانی بیان کرتی ہے۔
 پلے بیک سنگنگ سے کنارہ کشی اختیار کرنے کے بعد اریجیت سنگھ کو بطور ہدایت کار اپنے کریئر پر زیادہ توجہ دینے کا موقع ملے گا اور وہ انڈسٹری میں اپنی دلچسپی کے مزید پہلوؤں کو دریافت کر سکیں گے۔ اگرچہ ۲۰۱۸ء کی فلم زیادہ توجہ حاصل نہ کر سکی، لیکن آنے والی ایڈونچر فلم ایک متاثر کن اسٹار کاسٹ کے ساتھ پہلے ہی خاصی توجہ حاصل کر رہی ہے، اور ممکن ہے کہ یہ ہمیں اریجیت سنگھ کو ایک نئے انداز میں دیکھنے پر مجبور کر دے ۔