آرسنل کی فٹ بال ٹیم نے اپنی شاندار کارکردگی کی بدولت انگلش پریمیر لیگ کے پوائنٹس ٹیبل پردفاعی چیمپئن لیورپول سے ٹاپ پوزیشن چھیننے کے بعد تاحال برقرار ہےجبکہ مانچسٹر سٹی کی ٹیم دوسرے اور آسٹن ولا کی ٹیم تیسرے نمبر پر موجود ہے۔ دفاعی چیمپئن لیورپول کی ٹیم کی تنزلی کا سلسلہ جاری ہے اور وہ ساتویں نمبر پر ہے۔

آرسنل کی فٹ بال ٹیم نے اپنی شاندار کارکردگی کی بدولت انگلش پریمیر لیگ کے پوائنٹس ٹیبل پردفاعی چیمپئن لیورپول سے ٹاپ پوزیشن چھیننے کے بعد تاحال برقرار ہےجبکہ مانچسٹر سٹی کی ٹیم دوسرے اور آسٹن ولا کی ٹیم تیسرے نمبر پر موجود ہے۔ دفاعی چیمپئن لیورپول کی ٹیم کی تنزلی کا سلسلہ جاری ہے اور وہ ساتویں نمبر پر ہے۔ 
ای ایس پی این کے مطابق اب تک کھیلے گئے میچز کے بعد آرسنل کی ٹیم کے سب سے زیادہ۳۶؍ پوائنٹس ہیں اور وہ ای پی ایل کے پوائنٹس ٹیبل پر ٹاپ پوزیشن پر برقرار ہے۔ مانچسٹر سٹی کی ٹیم ۳۴؍ پوائنٹس کے ساتھ دوسرے اور آسٹن ولا کی ٹیم ۳۳؍ پوائنٹس کے ساتھ تیسرے نمبر پر موجود ہے ۔ دفاعی چیمپئن لیورپول کی ٹیم تنزلی کے بعد ساتویں نمبر پر ہے۔ 
انگلش پریمیر لیگ کے ۳۴؍ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔  یہ مجموعی طور پر ٹاپ فلائٹ انگلش فٹ بال کا۱۲۷؍واں ایڈیشن ہے ۔ لیگ میں شامل تمام ۲۰؍ ٹیموں نے اپنے ۱۶۔۱۶؍ میچز کھیل لئے ہیں ۔ آرسنل کی ٹیم ۱۶؍ میچز کھیل چکی ہے اور گیارہ میچز میں کامیابی  حاصل کی ہے اور وہ سب سے زیادہ ۳۶؍ پوائنٹس کے ساتھ ٹاپ پوزیشن پر برقرار ہے ۔ مانچسٹر سٹی کی ٹیم نے بھی ۱۶؍ میچز کھیلے ہیں جن میں اس کو  ۱۱؍ میچز میں فتح نصیب ہوئی اور وہ ۳۴؍ پوائنٹس کے ساتھ دوسرےنمبر پر ہے۔ 

یہ بھی پڑھئے:چوتھے ٹی ۲۰؍ میچ سے قبل ٹیم انڈیا نے فلم ’’ دُھرندھر‘‘ دیکھی

آسٹن ولا کی ٹیم۳۳؍ پوائنٹس کے ساتھ تیسرے نمبر پر موجود ہے۔ چیلسی کی ٹیم نے بھی ۱۶؍ میچز کھیلے ہیں اور ۸؍میں کامیابی حاصل کی ہے تاہم ۲۸؍ پوائنٹس کے ساتھ وہ چوتھے نمبرپر ہے۔اسی طرح کرسٹل پیلس ، مانچسٹر یونائٹیڈ ،لیورپول اور سندرلینڈکی ٹیموں کے ۲۶۔۲۶؍ مساوی پوائنٹس ہونے کے ساتھ یہ ٹیمیں بالترتیب پانچویں ، چھٹے ،ساتویں اور آٹھویں نمبر پر ہیں۔ 

یہ بھی پڑھئے:ہندوستان کی تجارتی محصولات کے حل کے لیے امریکہ سے تعمیری گفتگو جاری

ایورٹن کے ۲۴؍ پوائنٹس ہیں اور وہ ٹیبل پر نویں نمبر پر ہے۔اسی طرح برائٹن اینڈ ہوو البیون ۲۳؍ پوائنٹس ہیں اور وہ ٹیبل پر دسویں نمبر پر ہے ۔ وولور ہیمپٹن کی ٹیم بھی ۱۶؍ میچز کھیل چکی ہے اور ۱۶؍ میچز میں سے تاحال کوئی میچ نہیں جیت سکی ہے۔ واضح رہے کہ انگلش پریمیر لیگ کے رواں سیزن میں شامل ۲۰؍ کلبوں کی ٹیموں میں دفاعی چیمپئن لیورپول، آرسنل، آسٹن ولا،بورن مائوتھ،برینٹ فورڈ،برائٹن اینڈ ہوو البیون،برنلے،چیلسی،کرسٹل پیلس، ایورٹن، فلہم، لیڈز یونائٹیڈ،مانچسٹر سٹی،مانچسٹر یونائٹیڈ،نیوکیسل یونائٹیڈ،ناٹنگھم فاریسٹ، سنڈرلینڈ،ٹوٹنہم ہاٹ پور،ویسٹ ہیم یونائٹیڈ اور وولور ہیمپٹن شامل ہیں۔