آسٹریلوی شخص۱۲۲؍ اعشاریہ ۴؍ ڈیسیبل کی چیخ کے ساتھ دنیا کا سب سے بلند آواز شخص بنا، آسٹریلیا کے دارالحکومت سے تعلق رکھنے والے۵۸؍ سالہ میک گریل-بیٹپ نے تین دہائیوں سے زیادہ عرصے سے قائم ایک ریکارڈ توڑ دیا۔

آسٹریلیا کے شہر کینبرا میں رہنے والے۵۸؍ سالہ جوزف میک گریل-بیٹپ، جو دن میں ایئر کنڈیشنر صاف کرتے ہیں اور فرصت کے اوقات میں شہر کے اعلان کرنے والے (ٹاؤن کرائر) کے طور پر کام کرتے ہیں، نے ۱۲۲؍ اعشاریہ ۴؍ ڈیسیبل کی زبردست چیخ کے ساتھ گنیز ورلڈ ریکارڈز کی طرف سے دنیا کے سب سے بلند آواز شخص کے طور پر تسلیم کیا گیا ہے۔آسٹریلیا کے دارالحکومت سے تعلق رکھنے والے۵۸؍ سالہ میک گریل-بیٹپ نے تین دہائیوں سے زیادہ عرصے سے قائم ایک ریکارڈ توڑ دیا۔ ان کا لفظ ’’ now‘‘(اب) کی چیخ نے ۱۹۹۴ءمیں شمالی آئرلینڈ کی اسکول ٹیچر انالیسا فلاناگن کے قائم کردہ ۱۲۱؍ اعشاریہ ۷؍ڈیسیبل کےگزشتہ ریکارڈ  کو پیچھے چھوڑ دیا، جنہوں نے مشہور طور پر لفظ ’’ کوائٹ‘‘(خاموش) کو چلّایا تھا۔

یہ بھی پڑھئے: آبنائے ہرمز: تجارتی جہازوں کی آمدورفت جنگ سے قبل سطح کے۲۰؍ فیصد زیادہ پربحال

بعد ازاں گنیز ورلڈ ریکارڈز کے مطابق، میک گریل-بیٹپ کی چیخ کی بلندی کا موازنہ آری مشین (چینسا)، قریبی ایمبولینس کے سائرن یا حتیٰ کہ ایک جیٹ ہوائی جہاز کے ٹیک آف کے دوران شور سے کیا جا سکتا ہے۔ منگل۲۳؍ جون کو بات کرتے ہوئے، میک گریل-بیٹپ نے کہا کہ یہ کامیابی ایسی نہیں تھی جس کے لیے وہ پہلے سے عملی طور پر تربیت حاصل کر سکتے تھے۔انہوں نے کہا،’’اس کی مشق کرنے کا کوئی طریقہ نہیں ہے۔ آپ کو اسے خاص دن کے لیے محفوظ رکھنا ہوتا ہے، خاص طور پر ورلڈ ریکارڈ کی کوشش کے لیے۔‘‘ یہ ریکارڈ بغیر نتائج کے نہیں آیا۔ تاہم میک گریل-بیٹپ نے انکشاف کیا کہ کامیاب چیخ نکالنے کے لیے انھیں سات کوششیں کرنی پڑیں اور اس کے بعد ان کی آواز کو قیمت چکانی پڑی۔انہوں نے کہا، ’’مجھے صرف ایک لفظ ’’ now‘‘کے لیے سات کوششیں کرنی پڑیں، اور اگلے دو دنوں تک میری آواز بالکل ختم ہو گئی تھی۔ وہ بہت بیٹھی ہوئی اور خراب تھی۔‘‘تو نہیں، آپ واقعی اس کی مشق نہیں کر سکتے۔ لیکن جب آپ یہ کرتے ہیں تو بہت مزہ آتا ہے۔‘‘

یہ بھی پڑھئے: چیک جمہوریہ ستمبر ۲۰۲۷ءسے اسکولوں میں موبائل فون پر پابندی عائد کرے گا: وزیراعظم

واضح رہے کہ دنیا کے سب سے بلند آواز شخص کے طور پر تسلیم کیے جانے کے باوجود، میک گریل- بیٹپ نے کہا کہ وہ خود کو سب سے بلند آواز والا مرد سمجھنا پسند کرتے ہیں، اور اس بات کو نوٹ کرتے ہیں کہ فلاناگن کا کارنامہ برقرار ہے۔ انہوں نے کہا، ’’مجھے خوشی ہے کہ وہ اپنا ریکارڈ برقرار رکھ سکیں۔ لہٰذا وہ اب بھی دنیا کی سب سے بلند آواز والی خاتون ہیں، اور میں دنیا کا سب سے بلند آواز والا مرد ہوں۔