بنگلورو کے ایک اولاآٹو رکشا ڈرائیورآر متھوراج نے ایک خاتون کو رائڈ منسوخ کرنے پر زبانی تکرار کے بعد تھپڑ مارااور اسے دھمکایا، خاتون نے اپنے موبائل سے ہی اس کا ویڈیو بنا لیا، جس کے بعد پولیس نے ڈرائیور کو گرفتار کر لیا ہے۔

بنگلورو کے ایک اولاآٹو رکشا ڈرائیورآر متھوراج کو ۵؍ ستمبر جمعرات کو ایک خاتون گاہک کو تھپڑ مارنے اور دھمکانے کے جرم میں گرفتار کر لیا گیا ہے۔اس واقعہ کا ویڈیو سوشل میڈیا پر گردش کرنے کے بعد عوام میں غصہ کی لہر دوڑ گئی، یہ ویڈیو خود لڑکی نے اپنے موبائل سے بنایاتھا۔ ماگدی روڈ پولیس نے ڈرائیور کو بھارتیہ نیا ئےسنہتا (بی این ایس) کی دفعہ ۷۴؍(عورت پر حملہ یا اس کی عزت کو مجروح کرنے کے ارادے سے مجرمانہ طاقت کا استعمال) اور ۳۵۲؍امن کی خلاف ورزی پر اکسانے کے ارادے سے جان بوجھ کر توہین) کے تحت گرفتار کیا۔

یہ بھی پڑھئے: پارلیمنٹ سیکوریٹی معاملہ: ملزمین جمہوریت کو بدنام کرنا چاہتے تھے: دہلی پولیس

پولیس شکایت کےبعد متھوراج جو چکلا سنڈرا کا رہائشی ہے کو گرفتاری کے بعد چار دن کی عدالتی تحویل میں دے دیا گیا۔جہاں اسے ضمانت کیلئے کم از کم ۳۰؍ ہزار روپئے کا انتظام کرنا ہوگا۔ سینئر پولیس افسر کا کہنا ہے کہ یہ ایک اشتعال انگیز عمل ہے۔چونکہ اس نے اپنی بکنگ منسوخ کی تھی ملزم نے دن کے اجالے میں ایک نوجوان لڑکی کو گالیاں دیں اور جسمانی طور پر ہراساں کیا ،اس طرح کا برتائو برداشت نہیں کیا جا سکتا۔ متھوراج کو کم از کم چار دن حراست میں رہنا ہوگا، جبکہ اس کی ضمانت کی درخواست اور کاغذات کی تیاری میں مزید ایک دن کا وقت درکار ہوگا۔ حالانکہ اس نے اپنے اس عمل پر افسوس کا اظہار کیا ہے۔اس نے اپنا آپا کھودینے کی بات قبولی ساتھ ہی اس بات کا بھی اعتراف کیا کہ اس مجرمانہ عمل کا نقصان ایندھن کے ہونے والے نقصان سے کہیں زیادہ ہے۔

How do you react when your cornered like this?!

Bengaluru auto driver allegedly slaps a female passenger for cancelling the ride last minute. Sure he gets a away easy pic.twitter.com/ytGQ4xfcKu

— Nabila Jamal (@nabilajamal_) September 5, 2024

واضح رہے کہ اس واقع کے بعد سوشل میڈیا پر بڑے پیمانے پرصارفین نے اس کے حق میں اور مخالفت میں اپنی رائے کا اظہار کیاہے۔ اڈیشنل کمشنر آف ٹرانسپورٹ سی ملیکا رجن نے تصدیق کی ہے کہ آر ٹی او دفتر نے معاملے کی رپورٹ طلب کی ہے۔انہوں نے کہا ہمیں رپورٹ موصول ہونے کے بعد ہم ڈرائیور کا لائسنس اور پرمٹ منسوخ کر دیں گے۔ٹائمس آف انڈیا کی متعدد بار جانچ کے باوجود اولا نے اپنی رائڈ منسوخی کے تعلق سے پالیسی واضح نہیں کی، یا اس قسم کے معاملات میں ملوث ڈرائیوروں کے خلاف کیا کارروائی ہوگی اس کا بھی خلاصہ نہیں کیا۔ ٹرانسپورٹ کمشنر نے بتایا کہ محکمہ کی جانب سے رائڈ کی منسوخی پر کوئی فیس مقرر نہیں کی گئی ہے۔یہ مسافر اور ڈرائیورکی باہمی فراست پر منحصر ہے۔اس واقع نے کمپنیوں ، ڈرائیور اور مسافر کے درمیان تعلقات کی نوعیت پر ایک بحث چھیڑ دی ہے۔ان معاملات میں اولا اور اوبرجیسی کمپنیوں کے کردار کے تعلق سے بھی سوالات پیدا کر دئے ہیں، کہ وہ ان معاملات میں خواتین کے تحفظ کیلئے کیا اقدام کرتے ہیں۔