برطانیہ نے لندن میں اہم دفاعی نمائش میں اسرائیلی اہلکاروں کو شرکت سے روک دیا، یہ فیصلہ غزہ میں اسرائیلی جارحیت پر تنقید کے بعد لیا گیا، حالانکہ اسرائیلی کمپنیاں اب بھی شرکت کر سکتی ہیں۔

برطانوی حکومت نے غزہ میں اسرائیلی نسل کشی پر جاری تنقید کے درمیان اگلے مہینے لندن میں ہونے والی ایک اہم دفاعی کانفرنس میں اسرائیلی اہلکاروں کو شرکت سے روک دیا ہے۔اسرائیلی وزارت دفاع ہر سال برطانیہ میں ہونے والی ہتھیاروں اور فوجی سازوسامان کی وسیع نمائش ڈی ایس ای آئی میں اعلیٰ نمائندے بھیجتی رہی ہے۔لیکن برطانوی حکومت کے ترجمان نے جمعرات کو پولیٹیکو کو بتایا کہ اس سال اسرائیلی وفد کو مدعو نہیں کیا جائے گا۔

غزہ جنگ: ۲۳۳؍ اسلامی اسکالرز جاں بحق، ۸۰۰؍ سے زائد مساجد تباہ، ۳؍ چرچ بھی نشانہ بنے، ۲۰؍ عیسائی فوت

ترجمان نے کہا کہ ’’غزہ میں اپنی فوجی کارروائی کو مزید تیز کرنے کا اسرائیلی حکومت کا فیصلہ غلط ہے۔ نتیجتاً، ہم تصدیق کرتے ہیں کہ ڈی ایس ای آئی یو کے۲۰۲۵ء میں شرکت کے لیے اسرائیلی حکومتی وفد کو مدعو نہیں کیا جائے گا۔‘‘اسرائیلی وزارت دفاع نے بعد میں کہا کہ وہ برطانیہ کے اقدام کے بعد تقریب میں شرکت نہیں کریں گے۔ وزارت نے تصدیق کی کہ وہ ڈی ایس ای آئی میں اسرائیلی پویلین قائم نہیں کرے گی لیکن اضافہ کیا کہ شرکت کا انتخاب کرنے والی دفاعی کمپنیوں کو اسرائیلی حمایت حاصل رہے گی۔