ڈیکن ٹریپس، مہاراشٹر کے مہابلیشور اور آندھرا پردیش کی ترومالا ہلس سمیت ہندوستان کے ۷؍نئے اور خوبصورت تاریخی مقامات کے نام یونیسکو کی ممکنہ عالمی ثقافتی ورثہ کی فہرست میں شامل کر لئے گئے ہیں۔

ملک کے ۷؍ خوبصورت تاریخی مقامات کے نام یونیسکو کی ممکنہ عالمی ثقافتی ورثہ کی فہرست (UNESCO`s Tentative World Heritage List) میں شامل کر لئے گئے ہیں۔ ان میں پنچ گنی کے ڈیکن ٹریپس، مہاراشٹر کے مہابلیشور اور آندھرا پردیش کی ترومالا ہلس کے نام شامل ہیں۔ یونیسکو میں ہندوستان کے مستقل نمائندہ وفد کے مطابق یہ۷؍ ورثہ ملک کی خوشحال ثقافتی وراثت کا حصہ ہیں۔ اسی کے ساتھ یونیسکو کی ممکنہ عالمی ورثہ کی فہرست میں شامل مقامات کے نام بھی بتائے گئے ہیں۔ ’انڈیا ایٹ یونیسکو‘ نے سوشل میڈیا پلیٹ فارم ’ایکس‘ پر پوسٹ شیئر کرتے ہوئے لکھا، ’’یونیسکو میں ہندوستان کے مستقل نمائندہ وفد کو یہ اعلان کرتے ہوئے خوشی محسوس ہو رہی ہے کہ ہندوستان کے۷؍ نئے مقامات کو یونیسکو کی ممکنہ عالمی ورثہ کی فہرست میں شامل کر لیا گیا ہے۔ ‘‘

The Permanent Delegation of India to UNESCO is happy to announce that India`s 7 properties have been added to the Tentative List of UNESCO`s World Heritage Convention. For details, please see the press release below 👇🏼 @VishalVSharma7 pic.twitter.com/WufBzxmWxn

— India at UNESCO (@IndiaatUNESCO) September 12, 2025

’انڈیا ایٹ یونیسکو‘ کے مطابق جن مقامات کو شامل کیا گیا ہے ان میں (۱) پنچ گنی کا ڈریگن ٹریپ اور مہابلیشور (مہاراشٹر)، (۲) میگھالیہ کی غاریں (مشرقی کھاسی ہلس، میگھالیہ)، (۳) ناگا ہلس اوفیو لائٹ (کفائر، ناگالینڈ)، (۴) ترومالا ہلس (تروپتی، آندھرا پردیش)، (۵) ورکلا (کیرالا)، (۶) ایرا مٹّی ڈِبّالو (وشاکھا پٹنم)، (۷) سینٹ میری آئی لینڈ کلسٹر (اوڈپی، کرناٹک) شامل ہیں۔ اسی کے ساتھ یونیسکو کی ممکنہ عالمہ ورثہ کی فہرست میں ہندوستان کے ۶۹؍مقامات کے نام درج ہو چکے ہیں۔ ان میں ۴۹؍ کلچرل، ۳؍ مسکڈ اور۱۷؍ نیچورل زمرے کے سائٹس موجود ہیں۔ 

یہ بھی پڑھئے: ۲؍ سال کے انتظار کے بعد وزیراعظم مودی کا منی پور دورہ،عوام سے امن اور اتحاد کی اپیل

یونیسکو میں ہندوستان کے مستقل نمائندہ وفد نے بتایا کہ ان مقامات کا انتخاب ہندوستان کی قدرتی اور ثقافتی ورثہ کے تحفظ کے تئیں اس کی گہرے عزم کو ظاہر کرتا ہے۔ انہوں نے اس عمل میں آرکیالوجیکل سروے آف انڈیا (اے ایس آئی) کے اہم کردار کیلئے اظہار تشکر کیا۔ یونیسکو کی عالمی ورثہ فہرست میں کسی بھی مقام کو مستقل طور سے شامل کرنے سے پہلے اسے ٹینٹیٹیو لسٹ میں رکھا جاتا ہے۔ اس سے اس مقام کی اہمیت، تحفظاتی کوششوں اور عالمی شناخت کو منظوری ملتی ہے۔