مغربی ایشیا میں جاری کشیدگی کی وجہ سے اچانک عائد کی گئی ہوائی حدود کی پابندیوں کے سبب انڈیگو کی دہلی سے مانچسٹر جانے والی فلائٹ کو تقریباً ۷؍ گھنٹے کی پرواز کے بعد دہلی لوٹنا پڑا۔ ایئرلائن نے پیر کو اس کی تصدیق کی۔

انڈیگو کے ترجمان کے مطابق، فلائٹ سکس ای زیرو تھری تھری  ، جو دہلی سے مانچسٹر کے لیے روانہ ہوئی تھی، اسے آخری لمحے میں عائد کی گئی ایئر اسپیس پابندیوں کی وجہ سے  لوٹنا پڑا۔ترجمان نے کہا کہ مڈل ایسٹ اور اس کے ارد گرد کی صورتحال مسلسل بدل رہی ہے۔ اس کے نتیجے میں بعض پروازوں کو طویل راستہ اختیار کرنا پڑ سکتا ہے یا انہیں راستہ تبدیل کرنا پڑ سکتا ہے۔
انہوں نے بتایا کہ مغربی ایشیا کی موجودہ صورتحال کی وجہ سے اس فلائٹ کو اپنے ابتدائی مقام یعنی دہلی  لوٹنا پڑا۔ایئرلائن نے یہ بھی کہا کہ وہ متعلقہ حکام کے ساتھ مل کر یہ آپشن تلاش کر رہی ہے کہ مسافروں کی پروازیں دوبارہ کیسے شروع کی جائیں۔انڈیگو کے مطابق، مسافروں، عملے اور ہوائی جہاز کی حفاظت سب سے اہم ترجیح ہے۔
اس واقعہ کی معلومات سب سے پہلے فلائٹ ٹریکنگ پلیٹ فارم فلائٹرڈر۲۴؍ نے سوشل میڈیا پلیٹ فارم ایکس پر فراہم کی تھیں۔ ٹریکنگ ڈیٹا کے مطابق، جہاز نے راستے میں ہی یو-ٹرن لے کر بھارت کی طرف واپسی شروع کر دی تھی۔ ایک اور پوسٹ میں فلائٹ ٹریکر نے بتایا کہ۸؍ مارچ تک یو اے ای کی اہم ایئرلائنز اور قطر ایئر ویز کی پروازوں کے شیڈول میں بھی تبدیلی دیکھی گئی۔ اتوار کو ایئر عربیا، امیریٹس اور فلائی دبئی کی پروازوں کی تعداد بڑھ گئی، جبکہ اتحد ایئر ویز اور قطر ایئر ویز نے پچھلے دن کے مقابلے میں کم پروازیں چلائیں۔

یہ بھی پڑھئے:ٹی ۲۰؍ ورلڈ کپ کے بعد سوریہ کمار یادو کا اگلا ہدف: اولمپکس ۲۰۲۸ء میں گولڈ میڈل

سرکاری معلومات کے مطابق، انڈیگو کی فلائٹ  (نورٹس کے زیرِ انتظام) نے ایتھوپیا اور اریٹریا کی سرحد کے قریب یو-ٹرن لیا اور دہلی واپس آگئی۔ یہ ۲۶؍ فروری کے بعد انڈیگو کی دہلی-مانچسٹر روٹ پر پہلی پرواز تھی۔ اس دوران پیر کو انٹرگلوب ایوی ایشن (انڈیگو) کے شیئرز پر بھی دباؤ دیکھا گیا۔ کمپنی کا شیئر بی ایس ای پر تقریباً ۴؍ فیصد گر کر۴۲۳۶؍ روپے پر بند ہوا۔ کاروبار کے دوران یہ۶۵ء۴۰۳۵؍  روپے کے نچلے سطح تک پہنچ گیا، جو پچھلے ہفتے کے بند سطح سے ۳۷ء۸؍ فیصد کم ہے۔

یہ بھی پڑھئے:شکیرا کا جادو، ممبئی میں مانگ کو دیکھتے ہوئے کنسرٹ اب ۲؍ دن

تجزیہ کاروں کے مطابق، سرمایہ کاروں کی تشویش کی ایک بڑی وجہ خام تیل کی قیمتوں میں اضافہ بھی ہے، جو مڈل ایسٹ میں بڑھتے ہوئے تنازع کی وجہ سے ۱۰۰؍ ڈالر فی بیرل سے اوپر پہنچ گئی ہیں۔ بتایا جا رہا ہے کہ مڈل ایسٹ کے اہم تیل پیدا کرنے والے ممالک کی طرف سے پیداوار کم کرنے اور ہرمز کی خلیج کے مؤثر طور پر بند ہونے کی وجہ سے خام تیل کی قیمتیں تقریباً  ۱۱۰؍ڈالر فی بیرل تک پہنچ گئی ہیں۔