امریکی سینٹ کام کمانڈر ایڈمرل براڈ کوپر نےدعویٰ کیا ہے کہ ایرانی بحریہ کو آبدوزوں سمیت تباہ کردیا، ہم ایران میں ایساکچھ نہیں چھوڑیں گے جو ہم پر حملہ کرسکے۔

امریکی سینٹ کام کمانڈر ایڈمرل براڈ کوپر نےدعویٰ کیا ہے کہ ایرانی بحریہ کو آبدوزوں سمیت تباہ کردیا، ہم ایران میں ایساکچھ نہیں چھوڑیں گے جو ہم پر حملہ کرسکے۔ 
تفصیلات کے مطابق امریکی سینٹرل کمانڈ (سینٹ کام) کے کمانڈر ایڈمرل براڈ کوپر نے بریفنگ میں بتایا کہ مشرقِ وسطیٰ میں امریکی افواج کی قیادت میں ایران کے خلاف پوری طاقت کے ساتھ آپریشن جاری ہے، جس کا مقصد امریکہ اور اس کے اتحادیوں کے لیے پیدا ہونے والے خطرات کا مکمل خاتمہ ہے۔ 
ایڈمرل براڈ کوپر نے بریفنگ کے دوران انکشاف کیا کہ اب تک ایران میں تقریباً ۲؍ہزار اہداف پر بمباری کی جا چکی ہے اور ایران کی پوری نیوی بشمول آبدوزوں کو تباہ کر دیا گیا ہے جبکہ ۱۷؍ بحری جہاز براہِ راست کارروائی میں تباہ ہوئے۔ انہوں نے واضح کیا کہ ہم ایران میں ان تمام چیزوں کو ختم کررہے ہیں جس سے ہم پر حملہ کیاجاسکتا ہے، آج ایک بھی ایرانی بحری جہاز خلیج، آبنائے ہرمز یا خلیجِ عمان میں نقل و حرکت نہیں کر رہا، اسرائیلی اور امریکی فضائیہ کو اس وقت ایران کی فضاؤں پر مکمل کنٹرول حاصل ہے۔ 

یہ بھی پڑھئے:’’سیارہ‘‘ کے وائرل آئی وی ڈرپ کلپ پر آہان پانڈے کا ردعمل

آپریشن کی تفصیلات بتاتے ہوئے انہوں نے کہا کہ اس جنگ میں ۵۰؍ ہزار اہلکار،۲۰۰؍ فائٹر جیٹس اور۲؍ ایئر کرافٹ کیریئر حصہ لے رہے ہیں ، بی-۲ (B-2) اسٹیلتھ بمبار طیاروں کے ذریعے پاسدارانِ انقلاب کے ٹھکانوں پر سرجیکل اسٹرائیکس  کی گئی ہیں تاکہ ایران کی جوابی حملہ کرنے کی صلاحیت کو ختم کیا جا سکے۔ 

یہ بھی پڑھئے:میسور:شاندار تاریخ اور عمدہ محلات کا حامل شہراپنی مثال آپ ہے

کمانڈر سینٹ کام کے مطابق ایران نے ۵۰۰؍ بیلسٹک میزائل اور۲؍ ہزار ڈرونز کے ذریعے شہری آبادیوں اور امریکی تنصیبات کو نشانہ بنایا ہے، تاہم امریکی دفاعی نظام نے سیکڑوں میزائلوں اور ڈرونز کو فضا میں ہی تباہ کر دیا۔ انہوں نے مزید کہا کہ ایران سے پکڑے گئے ڈرونز کو ریورس انجینئرنگ کے ذریعے دوبارہ لانچ کرنے جیسے اقدامات بھی زیرِ غور ہیں۔