ٹرمپ سرکار ۶۰؍ کی وہ مہلت ختم کرنے جارہی ہے جو ملازمت سے محرومی پر نئی ملازمت کی تلاش کیلئے حاصل تھی۔

امریکہ میں ایچ اون  بی ویزا رکھنے والے غیر ملکی ملازمین کیلئے ملازمت ختم ہونے کے بعد دستیاب۶۰؍روزہ رعایتی مدت ختم کرنے کی تجویز پر پیش رفت  شروع ہوگئی ہے۔ ٹرمپ انتظامیہ کی اس تجویز کے تحت ملازمت سے محروم ہونے والے ایچ- ون  بی کارکنوں کو نئی ملازمت تلاش کرنے یا اپنی امیگریشن حیثیت تبدیل کرنے کے لیے موجودہ۶۰؍دن کی مہلت ختم ہو سکتی ہے۔ 

یہ بھی پڑھئے: جی-۲۰؍ مالیاتی اجلاس میں عالمی ترقی پر توجہ مرکوز

یہ اقدام تکنالوجی  کے پیشہ سے وابستہ ہندوستانیوں کی بڑی تعداد کو متاثر کر سکتا ہے۔ ایچ-ون  بی پروگرام میں ہندوستانی شہریوں کی بڑی تعداد شامل ہے۔ موجودہ نظام کے تحت ملازمت ختم ہونے کے بعد کارکن کو۶۰؍دن تک امریکہ میں رہ کر نئی ملازمت تلاش کرنے کا موقع ملتا ہے۔اگر یہ تجویز نافذ ہوجاتی ہے تو ملازمت سے محروم ہونے والے غیر ملکی کارکنوں کیلئے امریکہ میں قانونی حیثیت برقرار رکھنا مزید مشکل ہو جائے گا اور انہیں کم مدت میں نئی ملازمت یا متبادل امیگریشن راستہ تلاش کرنا پڑے گا۔ یہ تجویز ٹرمپ انتظامیہ کی ایچ- ون  بی پروگرام کو مزید سخت کرنے کی وسیع تر پالیسی کا حصہ ہے۔