مہاراشٹر فوڈ اینڈ ڈرگ ایڈمنسٹریشن (ایف ڈی اے) نے صفائی اور فوڈ سیفٹی کے سنگین اصولوں کی خلاف ورزیوں کے الزام میں ممبئی کے معروف نور محمدی ہوٹل، شالیمار ریسٹورنٹ اور رحمانیہ ریسٹورنٹ کے فوڈ لائسنس معطل کر دیے ہیں۔

مہاراشٹر فوڈ اینڈ ڈرگ ایڈمنسٹریشن (ایف ڈی اے) نے صفائی اور فوڈ سیفٹی کے سنگین اصولوں کی خلاف ورزیوں کے الزام میں ممبئی کے معروف  نور محمدی ہوٹل، شالیمار ریسٹورنٹ  اور رحمانیہ ریسٹورنٹ  کے فوڈ لائسنس معطل کر دیے ہیں۔ یہ کارروائی چند روز قبل چرچ گیٹ کے مشہورکے رستم اینڈ کمپنی  کا لائسنس معطل کیے جانے کے بعد کی گئی ہے۔ ایف ڈی اے کے مطابق ممبئی ڈویژن نے مختلف ہوٹلوں اور ریسٹورنٹس کے معائنے کے دوران متعدد سنگین بے ضابطگیاں پائیں، جس کے بعد تین معروف ریسٹورنٹس کے لائسنس فوری طور پر معطل کر دیے گئے۔

یہ بھی پڑھئے:فیفا ورلڈکپ :میسی کی جیت کے امکانات کیوں مضبوط سمجھے جا رہے ہیں؟

شالیمار ہاسپیٹیلٹی پرائیویٹ لمیٹڈ 
دوبارہ معائنے کے دوران حکام نے ۲۵؍ بڑی خلاف ورزیاں** نوٹ کیں، جن میں  گیلے اور پھسلن والے کچن کے فرش،خام مال کا ریکارڈ موجود نہ ہونا، پینے کے پانی کی جانچ کی رپورٹ نہ ہونا، استعمال شدہ تیل کے معیار کا ریکارڈ نہ رکھنا، سبزی خور اور گوشت والے کھانوں کی مناسب علیحدگی نہ ہونا، کھڑکیوں پر کیڑوں سے بچاؤ کے لیے جالیوں کا نہ ہونا شامل ہیں۔
نور محمدی ہوٹل 
نور محمدی ہوٹل میں بھی صفائی کے سنگین مسائل سامنے آئے، جن میں  کچن کے فرش پر تیل کی موٹی تہہ، کیڑوں کے داخل ہونے کے راستے، خام مال کا غیر مناسب ذخیرہ،سپلائرز کا ریکارڈ نہ ہونا، پرانے اور خستہ برتنوں کا استعمال، پانی کے معیار کی جانچ کا ریکارڈ موجود نہ ہونا شامل ہیں۔
رحمانیہ ریسٹورنٹ 
رحمانیہ ریسٹورنٹ کا لائسنس بھی فوری طور پر معطل کر دیا گیا۔ معائنے میں درج ذیل خامیاں سامنے آئیں   خوراک ذخیرہ کرنے کے ناقص انتظامات، کیڑوں پر قابو پانے کے مؤثر اقدامات کا فقدان، خراب اور بوسیدہ آلات، دیواروں اور چھتوں کی ناقص حالت، خوراک کے معیار کی جانچ سے متعلق ریکارڈ موجود نہ ہونا شامل ہیں۔ 

یہ بھی پڑھئے:کیکو شاردا کا انکشاف: کپل شرما شو کا۷۰؍ فیصد حصہ اسکرپٹڈ ہوتا ہے

 ریاست بھر میں ایف ڈی اے کی مہم
ایف ڈی اے نے۱۳؍ جولائی کو مہاراشٹر بھر میں فوڈ سیفٹی کے خلاف ایک خصوصی مہم چلائی، جس کے دوران تقریباً۶۸ء۱؍کروڑ روپے مالیت کی خوراک اور متعلقہ سامان ضبط کیا گیا۔ اس مہم کے دوران ۸؍ بڑی چھاپہ مار کارروائیاں کی گئیں۔۳۲؍ ہوٹلوں، ریسٹورنٹس اور کھانے پینے کے مراکز کا معائنہ کیا گیا۔۸؍ اداروں کو بہتری کے نوٹس جاری کیے گئے۔۴؍ فوڈ کاروباروں کے لائسنس معطل کیے گئے۔