۲۰۱۸ء میں سنگاپور میں یو پی آئی لانچ کرنے کے بعد گزشتہ دن اسے پیرس (فرانس) کے عالمی شہرت یافتہ فلیگ شپ اسٹور ’’گیلریز لافائیٹ‘‘ میں لائیو کردیا گیا۔ واضح رہے کہ فروری میں اسے ایفل ٹاور پر لانچ کیا گیا تھا۔

ہندوستان نے پیرس (فرانس) کے مشہور ایفل ٹاور پر یوپی آئی کے کامیاب لانچ کے بعد شہر کے تاریخی ڈپارٹمنٹ اسٹور گیلریز لافائیٹ میں یونیفائیڈ پیمنٹس انٹرفیس (یو پی آئی) لائیو کیا۔ یہ اہم قدم وزیر اعظم نریندر مودی کے یو پی آئی کو گلوبلائز کرنے کے وژن کو عملی جامہ پہنانے کی طرف ایک قدم ہے جو ۲۰۱۶ء میں نیشنل پیمنٹ کارپوریشن آف انڈیا (این پی سی آئی) کے ذریعہ تیار کردہ فوری ادائیگی کا ایک ہندوستانی نظام ہے۔
فرانس نے آج ایک پریس ریلیز میں کہا کہ ’’ ایفل ٹاور پر یو پی آئی کو لانچ کرنے کے بعد ۳؍ جولائی ۲۰۲۴ء کو یو پی آئی ، پیرس کے عالمی شہرت یافتہ ’’گیلریز لافائیٹ‘‘کے فلیگ شپ اسٹور پر لائیو ہوا۔ یہ پیرس میں یو پی آئی کی قبولیت کو بڑھاتا ہے۔فرانس میں ہندوستان کے سفیر اور موناکو کے پرنسپلٹی جاوید اشرف نے گیلریز لافائیٹ کے سی ای او نکولس ہوز اور لائرا گروپ کے چیئرمین ایلین لیکور کی موجودگی میں اسٹور پر یو پی آئی براہ راست استعمال کیا، اور اس طرح یہ نظام لائیو ہوا۔‘‘

#UPI formally launched at Eiffel Tower in Paris, France. Indian tourists which are the second largest group of visitors to the monument, can now purchase tickets using UPI. #DakuTravelUpdates pic.twitter.com/LvgaZrMJpk

— Backpacking Daku (@outofofficedaku) February 2, 2024

واضح رہے کہ فروری میں ہندوستان نے فرانس کے مشہور ایفل ٹاور میں باضابطہ طور پر یو پی آئی لانچ کیا تھا۔ اس کے بعد یو پی آئی کے اہلکاروں اور فرانس کے متعدد تاجروں کے درمیان کئی میٹنگیں ہوئیں جس کے بعد اسے لائیو کرنا ممکن ہوسکا۔ یاد رہے کہ ۲۶؍ جولائی ۲۰۲۴ء سے شروع ہونے والے پیرس اولمپکس سے قبل عالمی شہرت یافتہ گیلریز لافائیٹ، جس میں بڑی تعداد میں ہندوستانی شائقین کی آمد متوقع ہے۔ اس کے پیش نظر یو پی آئی کی مقبولیت میں مزید اضافہ ہونے کا امکان ہے۔

یہ بھی پڑھئے: غزہ: جبری نقل مکانی اور اموات، آبادی ۳ء۲؍ سے سکڑ کر ۱ء۲؍ ملین رہ گئی: یو این

خیال رہے کہ ۲۰۱۸ء میں سنگاپور میں بھی یو پی آئی لانچ کیا گیا تھا۔ یو پی آئی ایک ایسا نظام ہے جو متعدد بینک اکاؤنٹس کو ایک ہی موبائل ایپ (کسی بھی شریک بینک کے)، متعدد بینکنگ خصوصیات کو ضم کرتا ہے جس سے ڈجٹیل ادائیگی میں آسانی ہوتی ہے۔