غزہ میں ایک امدادی مرکز پر اسرائیل کی اندھا دھند فائرنگ کے نتیجے میں ۴۸؍ فلسطینی جاں بحق ہوئے ہیں۔

حکام نے مطلع کیا ہے کہ منگل کو جنوبہ غزہ کے رفح میں امریکی حمایت یافتہ امداد تقسیم میں اسرائیلی فوج کے اندھا دھند فائرنگ کرنے کے بعد ۴۸؍ فلسطینی جاں بحق ہوئے ہیں۔
غزہ کے سرکاری میڈیا کے دفتر نے جاری کردہ بیان میں کہا کہ  اسرائیلی قبضے کا نام نہاد بفر زون میں امداد کی تقسیم کا منصوبہ تباہ کن طور پر ناکام ہو گیا ہے۔ اسرائیلی حکومت نے اس وقت فلسطینیوں پر اندھا دھند فائرنگ کی جب وہ امداد حاصل کرنے جارہے تھے۔ اسرائیل کے اخبار یدی اوتھ نے رپورٹ کیا ہے کہ اس حملے کے بعد غزہ ہیومینیٹیرین فاؤنڈیشن (جی ایچ ایف) سے متعلقہ امریکی ملازمین کو دوسری جگہ منتقل کہا گیا ہے۔

یہ بھی پڑھئے:گجرات ماڈل میں روزانہ ذات پات کی وحشت : اے آئی آئی ایس سی اے

اقوام متحدہ نے کہا کہ اسے اس تعلق سے کوئی خبر نہیں ہے کہ امریکہ امدادی گروپ جی ایچ ایف نے جنگ زدہ فلسطینی خطے میں امداد تقسیم کی ہے یا نہیں۔ غیر معروف گروپ نے کل اعلان کیا تھا کہ اس نے غزہ میں امدادی ٹرکوں کی امداد کی تقسیم شروع کی ہے۔ تاہم، اقوام متحدہ کی انسانی ایجنسیوں او سی ایچ اے اور یو این آر ڈبلیو اے نے بتایا ہے کہ انہیں علم نہیں کہ آیا ادارے نے غزہ میں کوئی امداد تقسیم کی بھی ہے یا نہیں۔ اقوام متحدہ کی بین الاقوامی تنظیموں نے کہا تھا کہ وہ امداد کی تقسیم میں جی ایچ ایف کا تعاون کریں گی۔