فلسطین میں قبل از وقت پیدا ہونے والی بچی صابرین روح الجودا کا پیدائش کے ۵؍ دن بعد یعنی جمعرات کو انتقال ہوگیا۔ اس کی ماں گزشتہ ہفتے رفح کے ایک علاقے میں اسرائیلی حملوں میں جاں بحق ہوگئی تھی۔ ایسے میں صابرین کی حالت کافی نازک تھی۔ اسے رحم مادر سے بحفاظت نکالنے میں ڈاکٹروں کو مشکلات کا سامنا کرنا پڑا تھا۔ اس کے چچا نے بتایا کہ صابرین کی موت کے بعد اس کا خاندان صفحۂ ہستی سے مٹ گیا ہے۔

فلسطین میں قبل از وقت پیدا ہونے والی صابرین روح الجودا ، جسے اسرائیلی حملوں کے نتیجے میں ہلاک ہونے والی اس کی ماں کے رحم سے بڑی پیچیدگیوں کے بعد بحفاظت نکالا گیا تھا، اس کا جمعرات کو انتقال ہو گیا ۔ بچی کے چچا رامی الشیخ نے بتایا کہ صابرین کی حالت جمعرات کو کافی نازک ہو گئی تھی جس کے بعد اس کا انتقال ہو گیا اور میڈیکل ٹیم اسے بچانہیں سکی۔

یہ بھی پڑھئے: سنیتا کیجریوال نےعام آدمی پارٹی کی کمان سنبھالی، دہلی میں روڈ شو کریں گی

گزشتہ ہفتے غزہ کےجنوبی شہر رفح میں سنیچر کی نصف رات سے کچھ دیر پہلے اسرائیلی حملوں کے نتیجے میں صابرین کے گھر کو نشانہ بنایا گیا تھا جس کی وجہ سے اس کے والدین اوراس کی ۴؍ سال کی بہن جاں بحق ہو گئے تھے۔ 

A premature Palestinian infant Sabreen Jouda, rescued after her mother was killed in Israeli air strike, dies due to the deterioration of her health, her uncle sayshttps://t.co/kndZOc6wGa

— TRT World (@trtworld) April 26, 2024

وہاں موجود فلسطینی انہیں اسپتال لے گئے جہاں میڈیکل ٹیم نے صابرین کی والدہ ،جو اس وقت ۳۰؍ ہفتوں کی حاملہ تھیں، کا ایمرجنسی آپریشن کیا ۔ صابرین کو دوسرے اسپتال میں ۵؍ دن تک انکیوبیٹر میں رکھا گیاتھا جہاں اس نے اپنی آخری سانسیں لی۔اس کے چچا الشیخ نے اے پی کو بتایا کہ جمعرات کو صابرین کو اس کے والدکی قبر کے بغل میں دفن کیا گیا۔

یہ بھی پڑھئے: پولنگ فیصد میں پھر کمی، پارٹیاں فکر مند

انہوں نے رفح کے قبرستان میں صابرین کی قبر کے پاس رپورٹروں سے بات چیت کرتے ہوئے کہا کہ ’’ہم اس بچی سے کافی قریب ہو گئے تھے۔ خدا نے ہم سے کچھ لیاتھا تو اس بچی کی شکل میں بدلے میں بہت کچھ دیا تھا۔ مگر اب یہ بچی بھی انتقال کر گئی۔ میرے بھائی کا پورا خاندان صفحۂ ہستی سے مٹ گیا ۔ اس کی کوئی بھی نشانی نہیں بچی ہے۔‘‘

The Joudeh family: the father, Shukri, his daughter, Malak, and his pregnant wife, Sabreen, are among the victims of the latest Israeli airstrikes in Rafah. pic.twitter.com/Pq9VCBbzkY

— Quds News Network (@QudsNen) April 21, 2024

 اسرائیلی حملوں میں اب تک ۳۴؍ ہزار سے زائد فلسطینی جاں بحق ہو چکے ہیں جن میں زیادہ تعداد خواتین اور بچوں کی ہے۔ غزہ کی ۶۰؍ فیصد سے زائد عمارتیں ملبے میں تبدیل ہو گئی ہیں اور نصف سے زائد آبادی بھکمری کا شکار ہے۔ یاد رہے کہ اسرائیلی فوجیوں کے ذریعے شمالی غزہ سے فلسطینیوں کے انخلاء کے بعد کروڑوں شہریوں نے رفح میں پناہ لی ہے لیکن اب اسرائیل رفح میں بھی حملوں کی تیاری کر رہا ہے۔