جرمنی کا مجموعی عوامی قرض ۲۰۲۵ء کے اختتام تک بڑھ کر ۶۶ء۲؍  ٹریلین یورو تک پہنچ گیا، جس میں سالانہ بنیادوں پر ۶؍ فیصد اضافہ ریکارڈ کیا گیا۔ ڈی اسٹیٹس کے جاری کردہ ابتدائی اعداد و شمار کے مطابق اس اضافے کی بڑی وجوہات دفاعی اخراجات، بنیادی ڈھانچے کی سرمایہ کاری اور خصوصی فنڈز ہیں۔

جرمنی کا عوامی قرض گزشتہ سال کے اختتام تک نمایاں اضافے کے ساتھ ۶۶ء۲؍ ٹریلین یورو تک پہنچ گیا ہے، جس سے ملک کی مالی صورتحال پر نئی بحث شروع ہو گئی ہے۔ جرمن وفاقی شماریاتی ادارے ڈی اسٹیٹس کی جانب سے جاری کردہ ابتدائی اعداد و شمار کے مطابق یہ اضافہ سالانہ بنیادوں پر تقریباً ۶؍ فیصد رہا، جس کے نتیجے میں مجموعی قرض میں ۱۵۱؍ ارب یورو کا اضافہ ہوا۔ رپورٹ کے مطابق عوامی قرض میں وفاقی حکومت، ریاستوں، بلدیاتی اداروں اور سوشل سیکوریٹی فنڈز کے ذمہ واجب الادا رقوم شامل ہیں۔ صرف ۲۰۲۵ء کی آخری سہ ماہی میں قرض میں ۸ء۵؍ ارب یورو کا اضافہ ہوا، جو گزشتہ سہ ماہی کے مقابلے میں ۹ء۱؍ فیصد زیادہ ہے۔
وفاقی حکومت کے قرض میں بھی اضافہ ریکارڈ کیا گیا، جو آخری سہ ماہی میں ۲ء۳۲؍ ارب یورو بڑھ کر ۸۴ء۱؍ ٹریلین یورو تک پہنچ گیا۔ دی اسٹیٹس کے مطابق اس اضافے کی بڑی وجہ خصوصی فنڈز ہیں، جنہیں دفاعی اور بنیادی ڈھانچے کے منصوبوں کے لیے مختص کیا گیا تھا۔ ان فنڈز میں خاص طور پر بندیس وہیئر کے لیے قائم کیا گیا خصوصی فنڈ شامل ہے، جس سے منسلک قرض میں تقریباً ۳۰؍ فیصد اضافہ ہوا اور یہ ۴۳؍ ارب یورو تک پہنچ گیا۔ اسی طرح انفراسٹرکچر اور کلائمیٹ نیوٹرلٹی کے لیے مختص خصوصی فنڈ، جسے ایس وی آئی کے کہا جاتا ہے، سے متعلق قرض بھی بڑھ کر ۳ء۲۴؍ ارب یورو ہو گیا۔

یہ بھی پڑھئے: اسپین کا مطالبہ: لبنان حملوں پر اسرائیل سے یورپی معاہدہ معطل کیا جائے

جرمنی کی ریاستوں کے قرض میں بھی اضافہ دیکھا گیا، جو ۷ء۸؍  ارب یورو بڑھ کر مجموعی طور پر ۶ء۶۲۴؍ ارب یورو تک پہنچ گیا۔ اعداد و شمار کے مطابق ہیمبرگ میں سب سے زیادہ، یعنی ۸ء۷؍ فیصد اضافہ ریکارڈ کیا گیا، جبکہ بریمن اور باویریا میں بھی قرض میں نمایاں اضافہ ہوا۔ اس کے برعکس میکلنبرگ ویسٹرن پومیرانیا وہ واحد ریاست رہی جہاں قرض میں ۹ء۳؍ فیصد کمی دیکھنے میں آئی۔ بلدیاتی اداروں اور ان کے اتحادوں پر بھی مالی دباؤ میں اضافہ ہوا ہے۔ ان کا مجموعی قرض ۸ء۹؍ ارب یورو یا ۳ء۵؍ فیصد بڑھ کر ۳ء۱۹۶؍ ارب یورو تک پہنچ گیا۔ ماہرین کے مطابق مقامی حکومتیں، جن کے مالی ذخائر بڑی حد تک ختم ہو چکے ہیں، اب بنیادی عوامی خدمات کو برقرار رکھنے کے لیے نئے قرضوں پر انحصار کرنے پر مجبور ہو رہی ہیں۔

یہ بھی پڑھئے: اردگان اور ٹرمپ کی فون پر بات چیت، کہا جنگ بندی کو سبوتاژ کیا جاسکتا ہے

ڈی اسٹیٹس کے جاری کردہ اعداد و شمار سے ظاہر ہوتا ہے کہ دفاعی اخراجات میں اضافہ اور انفراسٹرکچر کی ترقی کے لیے سرمایہ کاری جرمنی کے بڑھتے ہوئے قرض کے اہم عوامل میں شامل ہیں، جبکہ مختلف سطحوں پر حکومتی اخراجات میں اضافہ اس رجحان کو مزید تقویت دے رہا ہے۔ یہ اعداد و شمار ایسے وقت میں سامنے آئے ہیں جب یورپ کی بڑی معیشتیں دفاعی ضروریات اور اقتصادی استحکام کے درمیان توازن قائم کرنے کی کوشش کر رہی ہیں، اور جرمنی کا بڑھتا ہوا قرض اس بحث کو مزید اہم بنا رہا ہے۔