• Wed, 15 October, 2025
  • EPAPER

Inquilab Logo Happiest Places to Work

اٹلی غزہ معاہدے کے بعد فلسطین کو تسلیم کرنے کے قریب ہے: وزیراعظم میلونی

Updated: October 14, 2025, 7:04 PM IST | Rome

اٹلی کی وزیراعظم جارجیا میلونی کا کہنا ہے کہ غزہ جنگ بندی معاہدے کے بعد ان کا ملک فلسطین کو بطور ریاست تسلیم کرنے کے پہلے سے کہیں زیادہ قریب ہے۔ انہو  نے مزید کہا کہ ان کا ملک غزہ میں استحکام لانے کیلئے عملی تعاون کرنے کو تیار ہے۔

Italian Prime Minister Giorgia Meloni. Photo: INN
اٹلی کی وزیراعظم جارجیا میلونی۔ تصویر: آئی این این

اٹلی کی وزیراعظم جارجیا میلونی کا کہنا ہے کہ غزہ جنگ بندی معاہدے کے بعد ان کا ملک فلسطین کو بطور ریاست تسلیم کرنے کے پہلے سے کہیں زیادہ قریب ہے۔ ذرائع کے مطابق مصر میں ہونے والی امن کانفرنس کے موقع پر میڈیا سے گفتگو کرتے ہوئے اٹلی کی وزیراعظم جارجیا میلونی کا کہنا تھا کہ اگر یہ معاہدہ مکمل طور پر نافذ ہوجاتا ہے تو اٹلی کی جانب سے فلسطین کی تسلیم شدگی یقینی طور پر قریب ہوگی۔ میلونی نے کہا کہ اٹلی فلسطینی ریاست کے قیام کی حمایت کرتا ہے اور غزہ کے عوام کیلئے انسانی امداد کی فراہمی کو جاری رکھے گا۔ 

یہ بھی پڑھئے: غزہ امن معاہدے پرعمل درآمد کا آغاز،۲۰؍ ممالک کے سربراہان کی معاہدے پردستخط

اُن کا کہنا تھا کہ اٹلی غزہ میں استحکام لانے کیلئے عملی تعاون کرنے کو تیار ہے، حتیٰ کہ اگر اقوامِ متحدہ کی قرارداد کے تحت ضرورت پڑی تو اطالوی کارابینیری فورس کو بھی تعینات کیا جا سکتا ہے۔ انہوں نے کہا، ’’اٹلی اپنا کردار ادا کرنے کیلئے تیار ہے، یہ ایک تاریخی دن ہے اور میں فخر محسوس کرتی ہوں کہ اٹلی اس عمل کا حصہ ہے۔ ‘‘

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK