گلاسٹن بری میوزک فیسٹیول میں’’اسرائیلی فوج مردہ باد‘‘ اور ’’فلسطین زندہ باد‘‘ کے نعرے لگانے کے بعد برطانوی گلوکار بوب وائلن کے امریکہ میں داخلہ پر پابندی لگائی جاسکتی ہے جو آئندہ چند دنوں میں ملک کے درجن بھر بڑے شہروں میں پرفارم کرنے والے ہیں۔

برطانوی گلوکار باب وائلن جنہوں نے سنیچر کو اپنے گلاسٹن بری میوزک فیسٹیول کے پرفارمنس کے دوران ’’آزاد، آزاد فلسطین‘‘ اور ’’اسرائیلی فوج مردہ باد‘‘ کے نعرے لگائے۔ اس موقع پر ہجوم نے بھی ان کا ساتھ دیا۔ اب خبریں ہیں کہ ان کے اس عمل کی وجہ سے انہیں امریکہ میں داخل ےسے انکار کیا جا سکتا ہے۔ ڈیلی وائر سے بات کرتے ہوئے امریکی محکمہ خارجہ کے ایک سینئر اہلکار کے مطابق، وہ امریکہ میں تقریباً ۲۰؍ شہروں کے دورے سے پہلے باب وائلن کے ویزوں کی منسوخی پر غور کر رہے ہیں، جس میں واشنگٹن، ڈی سی سمیت کئی بڑے شہروں میں پرفارمنس کا منصوبہ ہے۔ عہدیدار نے کہا کہ ’’یاد دہانی کے طور پر، ٹرمپ انتظامیہ کے تحت، امریکی حکومت کسی ایسے غیر ملکی کو ویزا جاری نہیں کرے گی جو دہشت گردوں کی حمایت کرتا ہے۔‘‘ بی بی سی جس نے فیسٹیول کو براہ راست نشر کیا، باب وائلن کی کارکردگی کو سینسر شپ کے بغیر نشر کیا لیکن آئرش ہپ ہاپ گروپ نی کیپ کے پرفارمنس کو نشر نہیں کیا، جس نے ادارتی رہنما خطوط کا حوالہ دیتے ہوئے، فلسطین حامی پیغامات کا براہ راست اظہار بھی کیا۔
بی بی سی کے ترجمان نے باب وائلن کے پرفارمنس میں ’’نعروں‘‘ کو ’’جارحانہ‘‘ قرار دیا اور کہا کہ براڈکاسٹر کا اپنے آئی پلیئر اسٹریمنگ پلیٹ فارم پر اسے ریلیز کرنے کا کوئی منصوبہ نہیں ہے۔ گلاسٹن بری میوزک فیسٹیول میں پرفارم کرتے ہوئے گلوکار باب نے نے اسٹیج پر کہا کہ ’’آزاد، آزاد فلسطین‘‘، مردہ باد، آئی ڈی ایف (اسرائیلی دفاعی فوج) مردہ باد‘‘، ’’دریا سے سمندر تک، فلسطین ضرور آزاد ہوگا۔‘‘ ان کے پرفارمنس کے بعد ’’اسٹاپ اینٹی سیمیٹیزم‘‘ نامی ایک نجی طور پر مالی امداد سے چلنے والے امریکی ایڈوکیسی گروپ نے حکومت امریکہ سہ مطالبہ کیا کہ وہ باب وائلن کا ویزا منسوخ کر دے۔ آئندہ چند دنوں میں امریکہ کے ایک درجن سے زیادہ بڑے شہروں میں ان کے کنسرٹ شیڈول ہیں۔

📍İngiltere

Müzik grubu Glastonbury müzik festivali Bob Vylon müzik grubu sloganı" İsrail ordusuna ölüm,Özgür Filistin "
Solist Bobylon, İngiltere ve ABD`yi savaş suçlarına ortak olmakla suçladı, Filistin için sesini yükselten sanatçılara tepkileri kınadı. #FreePalestine pic.twitter.com/V8KfD8cc4m

— 𝕸𝖊𝖑𝖎𝖐𝖊 🌸📚 (@melike1453_12) June 29, 2025

آسٹریلوی بینڈ نے فلسطینیوں پر برطانیہ کے فنکاروں کی حمایت کی
دریں اثنا، آسٹریلوی پب راک بینڈ ایمیل اور سنیفرز نے برطانیہ کے ان بینڈز کی حمایت کا اظہار کیا ہے جنہوں نے برطانیہ کے گلاسٹن بری میوزک فیسٹیول میں پرفارمنس کے دوران فلسطین حامی اور اسرائیل مخالف فوج کے نعرے لگائے۔ فیسٹیول میں آئرش بینڈ نی کیپ اور پنک ریپ جوڑی باب وائلن کے پرفارمنس پر برطانوی میڈیا کے ’’مضبوط‘‘ ردعمل پر شدید تنقید کرتے ہوئے، ایمل اینڈ دی سنیفرز کی مرکزی گلوکارہ ایمی ٹیلر نے سوشل میڈیا کا رخ کیا اور تجویز پیش کی کہ عوامی جذبات، حکومتوں اور میڈیا کے مقامی میڈیا ایڈیٹروں کے درمیان رابطہ منقطع ہے۔

یہ بھی پڑھئے: آئرش ریپر نی کیپ کا گلا سٹن بری شو ’’اسرائیل مردہ باد‘‘ کے نعروں سے گونچ اٹھا

دریں اثناء، باب وائلن یا نی کیپ کا نام لئے بغیر یوکے پولیس نے کہا کہ وہ اس بات پر غور کر رہے ہیں کہ آیا تحقیقات شروع کی جائیں۔ یوکے میں اسرائیلی سفارتخانے کی طرف سے ان نعروں کی مذمت ’’اشتعال انگیز اور نفرت انگیز بیان بازی‘‘ کے طور پر کی گئی تھی جبکہ برطانیہ کے وزیر اعظم کیئر اسٹارمر نے انہیں ’’خوفناک نفرت انگیز تقریر‘‘ کا نام دیا تھا۔
علاوہ ازیں ایلیاہ ہیوسن، ڈبلن بینڈ انہیلر کے مرکزی گلوکار اور یو ۲؍  فرنٹ مین بونو کے بیٹے، اور آئرش گلوکارہ سیارا میری ایلس تھامسن، جو پیشہ ورانہ طور پر سی میٹ کے نام سے مشہور ہیں، ان فنکاروں میں شامل تھے جنہوں نے فیسٹیول میں اس مسئلے پر بات کی۔