پیٹرولیم وزیر ہردیب سنگھ پوری نے یقین دلایا ہے کہ ملک میں خام تیل کے ۶۰؍ دن اور ایل پی جی کے ۴۵؍ دن کے ذخائر موجود ہیں، انہوں نے کہا کہ مغربی ایشیا میں سپلائی میں رکاوٹوں کے باوجود ایندھن کی کوئی قلت نہیں۔

وزیر پیٹرولیم اور قدرتی گیس ہردیپ سنگھ پوری نے واضح کیا کہ’’ ملک کے پاس خام تیل کے۶۰؍ دن، ایل این جی کے۶۰؍ دن، اور ایل پی جی کے۴۵؍ دن کے ذخائر موجود ہیں۔‘‘ مزید برآں، انہوں نے خبردار کیا کہ خوف پھیلانے کی وجہ سے گھبراہٹ کے عالم میں خریداری میں اضافہ ہو رہا ہے۔ بعد ازاں وزیر نے کہا کہ ہندوستان کی سپلائی قابو میں ہے اور کہیں سے بھی سپلائی ختم ہونے کی اطلاع نہیں ہے۔ انہوں نے بتایا کہ سپلائی کے بارے میں افواہوں کی وجہ سے پٹرول کی کھپت میں ۶؍ فیصد اضافہ ہوا ہے۔

یہ بھی پڑھئے: وزیراعظم کی عوام سے اپیل پر اپوزیشن لیڈروں کی سخت تنقیدیں

مرکزی وزیر نے اپنی سوشل میڈیا پر ایک سمٹ میں موجودہ صورتحال پر گفتگو کرتے ہوئے ایک ویڈیو پوسٹ کی۔ انہوں نے لکھا، ’’ملک میں کسی بھی پیٹرولیم مصنوعات کی کوئی قلت نہیں ہے، ہندوستان کے پاس خام تیل کے۶۰؍ دن، ایل این جی کے۶۰؍ دن، اور ایل پی جی کے ۴۵؍ دن کے ذخائر موجود ہیں۔ دریں اثناء مغربی ایشیا میں کشیدگی کے درمیان، بلاتعطل سپلائی کو یقینی بنانے کے لیے، ہندوستان نے اپنی روزانہ ایل پی جی پیداوار میں اضافہ کیا ہے۔‘‘

یہ بھی پڑھئے: مودی کی ایندھن بچاؤ مہم، آئی ٹی ملازمین نے ورک فرام ہوم کا مطالبہ کیا

انہوں نے کہا کہ بہت سے ممالک نے تیل کی قیمتوں اور دستیابی میں اتار چڑھاؤ کا سامنا کیا، لیکن ہندوستان بالکل بھی متاثر نہیں ہوا۔ کچھ لوگوں نے ذخیرہ اندوزی اور افواہیں پھیلانے کی پوری کوشش کی، لیکن ہم نے یقینی بنایا کہ ملک میں کہیں بھی پٹرول، ڈیزل یا ایل پی جی کی کوئی قلت نہ ہو۔‘‘ واضح رہے کہ مغربی ایشیا کی جنگ نے نہ صرف ہندوستان بلکہ بہت سے دوسرے ممالک کی توانائی کی سپلائی کو بھی متاثر کیا ہے۔ آبنائے ہرمز ایک بڑا عبوری راستہ ہے جسے بہت سے ممالک استعمال کرتے ہیں، اور اس کی ناکہ بندی نے بحران کی کیفیت  پیدا کر دی ہے۔