گنیش اتسو کے پیش نظر مقامی ممبر اسمبلی پر شانت ٹھاکر نے پنویل شہر پولیس کے اعلیٰ افسران کے علاوہ ٹریفک پولیس کے ساتھ  پلسپا پھا ٹا سے کون پھاٹا  کے راستوں کا معائنہ کیا۔ یہاں پر کافی گڑھے ہیں جس کی وجہ سے راہ گیروں اور گاڑیوں کو  کافی تکالیف کا سامنا کرنا پڑرہا ہے۔ کئی دفعہ ٹو ویلر گاڑیاں یہاں پر پلٹ بھی گئی ہے اور ٹریفک کا بھی مسئلہ پیدا ہوتا ہے۔

 

 

انہوں نے یہ راستہ بنانے والے ٹھیکیدار سے بات چیت کی اور ان سے اس بات کی یقین دہائی لی کہ گنپتی تہوار سے پہلے ان راستوں کی درستی کا کام مکمل ہو جائے گا۔ اس کے علاوہ انہوں نے ٹریفک اور   پنویل تعلقہ پولیس کے اعلیٰ افسران کے ساتھ بھی میٹنگ کی جس میں اس اہم مسئلے پر تبادلہ خیال  کیا گیا۔  

اس میٹنگ میں یہ بات بھی سامنے آئی کہ تہوار کے پیش نظر ان علاقوں میں پولیس کا بندوبست بڑھایا جائے گا اور ٹریفک پولیس کے اعلیٰ افسران بھی یہاں پر موجود رہیں گے تاکہ ٹریفک کا مسئلہ پیدا نہ ہو اور امن و امان بھی قائم رہے ۔ممبر اسمبلی پرشانت ٹھاکرنے انہیں اپنے ہر ممکن تعاون کا یقین دلایا۔