مڈل ایسٹ میں جاری کشیدگی کے درمیان دبئی میں پھنسے لوگوں کے لیے سونو سود نے مدد کا ہاتھ بڑھایا ہے۔ انہوں نے وہاں پھنسے ہوئے لوگوں کے لیے مفت رہائش کا انتظام کیا ہے۔ اس کی معلومات انہوں نے سوشل میڈیا کے ذریعے دی ہیں۔

ایران اور اسرائیل کے درمیان جاری جنگ کا اثر دوسرے ممالک پر بھی نظر آ رہا ہے۔ متحدہ عرب امارات  کے شہر دبئی پر بھی ایران کی جانب سے حملے کیے گئے ہیں۔ دبئی میں دوسرے ممالک کے لوگ بھی پھنسے ہوئے ہیں۔ اس دوران اب بالی ووڈ اداکار  سونو سود  آگے آئے ہیں۔ انہوں نے پھنسے ہوئے لوگوں کے لیے مدد کا ہاتھ بڑھایا ہے۔ ان کا کہنا ہے کہ جو لوگ وہاں پھنسے ہوئے ہیں وہ ان سے رابطہ کریں، ان کے لیے بالکل مفت رہنے کا انتظام کیا جائے گا۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Sonu Sood (@sonu_sood)

سونو سود نے سوشل میڈیا پر ایک ویڈیو شیئر کی ہے جس میں وہ کہتے ہیں کہ ’’ اگر کوئی بھی اس کشیدگی کے دوران دبئی میں پھنسا ہوا ہے تو ہم آپ کو بتانا چاہتے ہیں کہ آپ کے پاس رہنے کی جگہ موجود ہے۔ ہم اس بات کا پورا خیال رکھیں گے کہ آپ کو مفت رہائش ملے۔ چاہے آپ ہندوستانی ہوں یا کسی بھی دوسرے ملک سے تعلق رکھتے ہوں، براہِ کرم مجھے انسٹاگرام پر پیغام بھیجیں۔ جب تک آپ اپنے ملک واپس نہیں پہنچ جاتے ہم اس دوران آپ کے لیے مفت رہائش کا انتظام کریں گے۔ جے ہند۔‘‘

یہ بھی پڑھئے:دنیا کے۱۶۰؍ ممالک میں ایک لاکھ سے زیادہ امریکی فوجی تعینات

کوئی اصول نہیں، صرف انسانیت :سونو سود
سونو سود بالی ووڈ کے ان اداکاروں میں سے ہیں جو اکثر ضرورت مندوں کی مدد کرتے رہتے ہیں۔ کورونا وبا کے دوران جب ملک میں لاک ڈاؤن لگا تھا تو اس وقت بھی انہوں نے لوگوں کی کافی مدد کی تھی۔ لوگ ان کی سخاوت اور دریا دلی کی بہت تعریف کرتے ہیں۔ ایک بار پھر لوگ ان کی تعریف کر رہے ہیں۔ ویڈیو پوسٹ کرتے ہوئے سونو سود نے کیپشن میں لکھا: ’’کوئی قومیت نہیں، کوئی شرط نہیں، صرف انسانیت۔‘‘
یعنی وہ یہ کام صرف انسانیت کی خاطر کر رہے ہیں۔

یہ بھی پڑھئے:ہندوستان میں۴؍ کروڑ سے زیادہ بچے موٹاپے کا شکار، ملک دنیا میں دوسرے نمبر پر

دبئی میں لارا دتہ بھی پھنس گئیں
بالی ووڈ اداکارہ لارا دتہ   بھی اس وقت دبئی میں موجود ہیں۔ انہوں نے وہاں کے حالات کے بارے میں سوشل میڈیا پر ایک ویڈیو شیئر کی ہے۔ حالات بیان کرتے ہوئے ان کی آنکھوں میں آنسو آ گئے۔ لارا دتہ نے بتایا کہ ان کے ساتھ دبئی میں ان کی بیٹی بھی موجود ہے۔ انہوں نے کہا کہ انہوں نے آسمان میں فائٹر جیٹس اڑتے ہوئے دیکھے ہیں۔ وہ ایک ولا میں رہ رہی ہیں، لیکن کھڑکیاں کانپ رہی ہیں اور گھر اور دروازے ہل رہے ہیں۔