۲۰۱۰ء سے۲۰۲۰ء کے درمیان یہ اـضافہ درج کیا گیا ہے، پیو ریسرچ سینٹر کی رپورٹ ، دنیا میں مسلمانوں کی کل آبادی ۲۰۰؍ کروڑ تک پہنچ گئی ہے۔

معروف غیر سرکاری تنظیم پیو(PEW) ریسرچ سینٹر کی حالیہ رپورٹ کے مطابق اسلام دنیا کا سب سے تیزی سے  پھیلنے والا مذہب بن چکا ہے۔ ساتھ ہی یہ دنیا کا دوسرا سب سے بڑا مذہبی گروپ بھی ہے۔۲۰۱۰ء سے۲۰۲۰ء کے درمیان مسلم آبادی میں ۲۱؍ فیصد کا اضافہ ہوا ہے یعنی  دنیا میں مسلمانوں کی آ بادی ۱۷۰؍ کروڑ (۱ء۷؍ ارب ) سے بڑھ کر ۲۰۰کروڑ (۲؍ ارب ) تک پہنچ گئی ہے۔ رپورٹ کے مطابق  یہ اضافہ عالمی اوسط آبادی میں اضافہ  سے د گنا ہے۔’اے بی پی نیوز ‘ پورٹل کی خبر کے حوالے سے جاری ہونے والی  رپورٹ کے مطابق اب دنیا  کے چار میں سے  ایک شخص مسلمان ہے یعنی مسلمانوں کی پوری دنیا کی آبادی میں ۲۶؍ فیصد عالمی حصہ داری ہے۔ دوسری طرف غیر مسلموں کی آبادی میں بھی ۹ء۷؍فیصد کا اضافہ دیکھنے کو ملا ہے لیکن اس میں ہندوؤں کی آبادی میں ایک  فیصد کی کمی درج کی گئی ہے۔ ۲۰۱۰ء میں دنیا میں ہندوؤں کی آبادی ۱۵؍ فیصد تھی، جو۲۰۲۰ء میں ۹ء۱۴؍ فیصد ہو گئی۔

یہ بھی پڑھئے:برطانیہ، آسٹریلیا، کنیڈا، نیوزی لینڈ اور ناروے کی ۲؍ اسرائیلی وزراء پر پابندی

پیو ریسرچ سینٹر کی رپورٹ کے مطابق مسلمانوں کی سب سے زیادہ آبادی۲۰۱۰ء سے ۲۰۲۰ء کے درمیان شمالی امریکہ میں ۵۲؍ فیصد بڑھی ہے۔ یہاں کل مسلم آبادی ۵۹؍ لاکھ ہے۔دنیا کے الگ الگ حصوں میں مسلم آبادی میں اضافہ کے بارے میں بات کی جائے تو   ’سب-سہارا‘ افریقہ میں ۳۴؍ فیصد کا اضافہ درج کیا گیا ہے۔ یہ علاقہ قدرتی آبادی میں اضافہ کی وجہ سے مسلم آبادی میں زیادہ اضافہ درج کرتا ہے۔ ایشیا پیسفک ریجن میں کل مسلم آبادی ۲۶؍ فیصد ہے جہاں۴ء۱؍ فیصد مسلم آبادی بڑھی ہے۔