اسلام جمخانہ اور سیوا نے وعدہ کیا کہ وہ بامعنی اور قابل قدر خدمات انجام دینے والوں کی حوصلہ افزائی کا سلسلہ جاری رکھیں گے۔

اسلام جمخانہ نے سیوا  کے اشتراک سے۵؍ ستمبر۲۰۲۶ءکو ممبئی کے اسلام جمخانہ میں یوم اساتذہ کی خصوصی تقریب کا انعقاد کیا۔ اس موقع پرسماج اور آنے والی نسلوں کی تعلیم و تربیت میں گراں قدر خدمات انجام دینے والے اساتذہ کو خراج تحسین پیش کرتے ہوئے انہیں اعزاز سے نوازا گیا۔

یہ بھی پڑھئے: انڈونیشیا: آتش فشاں کی راکھ سے۵؍ ہوائی اڈے متاثر آپریشن معطل، سیکڑوں پروازیں منسوخ

تقریب کے دوران تعلیم کے شعبے میں غیر معمولی عزم، خدمات اور نمایاں کردار ادا کرنے والے۱۶؍ممتاز اساتذہ کو اعزاز پیش کیا گیا۔ ہر اعزاز یافتہ استاد کو ان کی قابلِ قدر خدمات کے اعتراف میں ’یومِ اساتذہ ایوارڈ‘ اور اعزازی سند پیش کی گئی۔یہ اعزازات ایڈوکیٹ یوسف ابراہانی ( صدر اسلام جمخانہ) نے ایڈوکیٹ رضوان مرچنٹ، ڈاکٹر یونس لویا اور کارپوریٹر امرین شہزاد ابراہانی کے ساتھ پیش کئے۔ اس موقع پر متعدد ممتاز شخصیات نے بھی شرکت کی۔

یہ بھی پڑھئے:آج سےمختلف مراکز پر الیکٹرانک میٹر اپ ڈیٹ کرانے کی سہولت

اس موقع پر منتظمین نے اساتذہ کی خدمات پر کہا کہ تعلیم دینے والوں کی خدمات کا اعتراف دراصل سماج کے لئے ان کی بے مثال کاوشوں کو خراجِ تحسین پیش کرنے کا ایک طریقہ ہے۔ اسلام جمخانہ اور سیوا نےوعدہ کیا کہ وہ ان افراد کی حوصلہ افزائی کا سلسلہ جاری رکھیں گے جو تعلیم اور سماج کے لئے بامعنی اور قابل قدر خدمات انجام دے رہے ہیں۔