اسرائیل میں نیتن یاہو کی حکومت کے خلاف ہزاروں افراد نے تل ابیب کی سڑکوں پر احتجاج کیا، وہ ۷؍ اکتوبر حملے کی آزادنہ تحقیق ، ، اور موجودہ قیادت کی تبدیلی کیلئے قبل از وقت انتخاب کا مطالبہ کررہے تھے۔

ہزاروں اسرائیلی سنیچر کی رات تل ابیب کی سڑکوں پر نکل آئے، جو۷؍ اکتوبر کے حملوں کے بعد وزیر اعظم نیتن یاہو کی حکومت کے خلاف سب سے بڑے مظاہروں میں سے ایک تھا۔ یہ احتجاجدو اہم مطالبات پر مرکوز تھا۷؍ اکتوبر کی سیکیورٹی اور حکومتی ناکامیوں کی آزادانہ تحقیق ، اور موجودہ قیادت کو تبدیل کرنے کے لیےقبل از وقت انتخابات کا انعقاد۔ بعد ازاں مظاہرین، جو اسرائیلی پرچم لہراتے ہوئے اور غزہ میں قید یرغمالیوں کے پوسٹر اٹھائے ہوئے تھے، کا کہنا تھا کہ حکومت نے سیاسی بقا کی خاطر جنگ کی کوششوں اور قوم کے مستقبل دونوں سے سمجھوتہ کیا ہے۔ ’’وہ۷؍ اکتوبرکو ناکام ہوئے، اور اب بھی ناکام ہیں،‘‘مظاہرین کا یہ ایک عام نعرہ تھا، جو اس عوام  کے احساس کو ظاہر کرتا ہے ،کہ نیتن یاہو اور ان کی اتحادی حکومت ملکی بحالی اور سلامتی کو قائم رکھنے کی اہل نہیں ہے۔

یہ بھی پڑھئے: اسرائیل: نیتن یاہو نے ۷؍ اکتوبر ۲۳ء ناکامی کی ذمہ داری پھر نہیں لی، الزام فوج پر

دریں اثناء منتظمین اور مقررین، جن میں متاثرین اور یرغمالیوں کے اہل خانہ شامل ہیں،نے اصرار کیا کہ صرف سیاسی مداخلت سے پاک جامع تحقیقات ہی ان محکمہ جاتی ناکامیوں کو دور کر سکتی ہیں جو اسرائیل کی تاریخ کے خونین ترین دن کا سبب بنیں۔ساتھ ہی مظاہرین نے حکومت کے داخلی جائزوں کو ناکافی قرار دیا۔یہ احتجاج اس بڑے احتجاجی تحریک کی بحالی کی علامت ہے جو۲۰۲۳ء میں عدالتی اصلاحات کے خلاف تھی۔ بعد ازاں مظاہرین نے مطالبہ کیا کہ موجودہ حکومت، جو اندرونی تقسیم اور تاریخی طور پر عوامی اعتماد کی کمی کا شکار ہے، قبل ازوقت انتخاب کا انعقاد کرے، تاکہ موجودہ قیادت کو تبدیل کیا جاسکے۔تاہم مظاہرین کا خیال تھاکہ جنگ کے  بعد مشکل حالات میں حکومت رہنمائی کے اخلاقی حق سے محروم ہے۔ جب کہ غزہ میں جنگ کا کوئی واضح اختتام نظر نہیں آ رہا، سیاسی قیادت کی تبدیلی کا داخلی دباؤ نیتن یاہو کی حکومتی اتحاد کو لاحق خطرے کا واضح اشارہ ہے۔