ہندوستان نےباکسم ایلیٹ انٹرنیشنل۲۰۲۶ء کے آخری دن شاندار کارکردگی کا مظاہرہ کرتے ہوئے اپنے سفر کا اختتام انتہائی کامیابی کے ساتھ کیا۔ اولمپک میڈلسٹ لولینا بورگوہین اور سابق یوتھ ورلڈ چیمپئن اروندھتی چودھری کی قیادت میں ہندوستانی باکسرز نے اسپین کے شہر لا نوسیا (ایلی کانٹے) میں مجموعی طور پر ۹؍ گولڈ میڈل جیت کر اپنی برتری ثابت کر دی۔

ہندوستان نےباکسم ایلیٹ انٹرنیشنل۲۰۲۶ء کے آخری دن شاندار کارکردگی کا مظاہرہ کرتے ہوئے اپنے سفر کا اختتام انتہائی کامیابی کے ساتھ کیا۔ اولمپک میڈلسٹ لولینا بورگوہین اور سابق یوتھ ورلڈ چیمپئن اروندھتی چودھری کی قیادت میں  ہندوستانی باکسرز نے اسپین کے شہر لا نوسیا (ایلی کانٹے) میں مجموعی طور پر ۹؍ گولڈ میڈل جیت کر اپنی برتری ثابت کر دی۔
اسپین کے شہر لا نوسیا (ایلیکانتے) میں منعقدہ اس ٹورنامنٹ میں  ہندوستان سب سے کامیاب ملک رہا، جس نے نو گولڈ، تین سلور اور سات  کانسہ  کے میڈل حاصل کیے۔ مقابلے میں۲۰؍ ممالک کے ۲۰۰؍ سے زائد باکسرز نے شرکت کی۔
 ہندوستانی  خواتین باکسرز نے آخری دن تاریخ ساز کارکردگی دکھاتے ہوئے ساتوں ایلیٹ ویمنز فائنلز جیت لیے، جن میں ۵۴؍ کلوگرام کیٹیگری کا آل انڈین فائنل بھی شامل تھا۔ منجو رانی (۴۸؍ کلو)، نیتو (۵۱)، پونم (۵۴)، پریا (۶۰)، اروندھتی (۷۰)، لولینا (۷۵) اور نینا (۸۰) نے اپنے اپنے مقابلوں میں گولڈ میڈل جیت کر ہندوستان  کو کلین سویپ دلایا۔
مردوں کے فائنلز میں سچن (۶۰؍رن) نے کنیڈا کے کیوما-علی الاحمدیہ کو ۲:۳؍ سے شکست دی جبکہ آکاش (۷۵) نے قزاخستان کے امن کونسبیکوف کو سخت مقابلے میں ہرا کر گولڈ حاصل کیا۔ دیپک (۷۰) اور انکش (۸۰) کو بالترتیب سلور میڈل پر اکتفا کرنا پڑا۔

11 Bouts. 9 Golds. 7 Elite Women`s Champions.🥇

A Finals Day to remember for Team India at the BOXAM Elite 2026! pic.twitter.com/zoh65geAvB

— Boxing Federation (@BFI_official) February 8, 2026

بی ایف آئی کے صدر اجے سنگھ نے کہا کہ یہ ٹورنامنٹ سیزن کے آغاز میں اعلیٰ معیار کے بین الاقوامی مقابلے فراہم کرنے میں کامیاب رہا اور فائنلز میں شاندار نتائج ہندوستانی باکسنگ پروگرام کی ترقی کا ثبوت ہیں۔ ہندوستانی خواتین ٹیم کے ہیڈ کوچ سانتیاگو نیوا نے خواتین کی کارکردگی کو نظم و ضبط، اعتماد اور اجتماعی ماحول کا نتیجہ قرار دیا۔

یہ بھی پڑھئے:ٹی۲۰؍ ورلڈ کپ: ہندوستان بمقابلہ یو ایس اے میچ میں اہم ریکارڈس بنے

بابر اعظم کی نمبر ۴؍پر بیٹنگ: باسط علی کا سخت ترین ردعمل سامنے آگیا
 پاکستان کے سابق ٹیسٹ کرکٹر باسط علی نے ٹی ۲۰؍ ورلڈ کپ ۲۰۲۶ ءمیں  پاکستانی  ٹیم کی حکمتِ عملی اور بابر اعظم کی نئی بیٹنگ پوزیشن کو کڑی تنقید کا نشانہ بناتے ہوئے ایک بڑا بیان دے دیا ہے۔ نیدر لینڈز کے خلاف پاکستان کی مشکل فتح کے بعد  ایک  پروگرام میں گفتگو کرتے ہوئے باسط علی نے دو ٹوک الفاظ میں کہا کہ بابر اعظم کو چوتھے نمبر پر کھلانے کا تجربہ ناکام ہے اور ان کی جگہ کسی نوجوان کھلاڑی کو موقع ملنا چاہیے۔

یہ بھی پڑھئے:کیا سلمان خان کی فلم ’’بیٹل آف گلوان‘‘کی ریلیز ملتوی ہو سکتی ہے؟

سابق کرکٹر کا کہنا تھا کہ ’’اگر بابر اعظم کو چوتھے نمبر پر  موقع دینا ہے تو اس سے بہتر ہے انہیں واپس پاکستان بھیج دیا جائے، ان کی جگہ خواجہ نافع کو نمبر ۴؍ پر آزمانا چاہیے تھا۔‘‘ انہوں نے مزید کہا کہ نمبر۴؍ کا بیٹر وہ ہوتا ہے جو میچ جتوا کر پویلین واپس لوٹے۔  باسط علی نے پیش گوئی کی کہ اگر پاکستان اس ورلڈ کپ کے سیمی فائنل تک رسائی حاصل نہیں کر پاتا، تو یہ بابر اعظم کے ٹی ۲۰؍ کیریئر کا آخری ٹورنامنٹ ثابت ہو سکتا ہے۔