جاپان کے سابق وزیر اعظم۴۰؍ سال بعد بھی ریلوے اسٹیشن پرپمفلٹ بانٹتے ہیں اور مسافر بمشکل ان کی جانب دھیان دیتے ہیں۔

جاپان کے سابق وزیرِ اعظم نوڈا چار دہائیوں بعد بھی صبح سویرے اسٹیشن کا معمول جاری رکھے ہوئے ہیں۔جاپان کے سابق وزیرِ اعظم یوشیہیکو نوڈا ایک جانے پہچانے معمول کی طرف لوٹ آئے ہیں، ریلوے اسٹیشن پر کھڑے ہو کر مسافروں کو سیاسی پمفلٹ دینا۔۱۸؍ ستمبر کو نوڈا چیبا کے منامی- فوناباشی اسٹیشن پر تھے، جہاں انہوں نے صبح کی بھیڑکے دوران پمفلٹ تقسیم کیے۔ان کے سرکاری شیڈول میں یہ سرگرمی صبح ساڑھے ۶؍ سے ساڑھے ۸؍ بجے تک درج ہے، اور یہ نشست مقامی حلقے کی حمایت پر مرکوز تھی۔ 

Japan के पूर्व प्रधानमंत्री Yoshihiko Noda ट्रेन स्टेशन पर स्थानीय मुद्दों जैसे disaster insurance,child support से संबंधित पर्चे बांटते दिखे.
योशिहिको नोडाको चिबा प्रांत के मिनामी-फूनाबाशी स्टेशन पर देखा गया.

यह वास्तव में जापान की राजनीतिक संस्कृति और सादगी का एक बहुत ही सुंदर… pic.twitter.com/yMFkrUl7y2

— Ruby Arun रूबी अरुण (@arunruby08) September 19, 2026

رپورٹوں کے مطابق، پمفلٹس میں مقامی مسائل جیسے آفات کی بیمہ، بچوں کی کفالت اور صوبائی اصلاحات شامل تھے۔بتایا جاتا ہے کہ نوڈا نے۱۹۸۶ء میں ریلوے اسٹیشنوں پر پمفلٹ تقسیم کرنا شروع کیا تھا، یعنی قومی سیاست میں آنے سے برسوں پہلے۔ وہ۱۹۸۷ء میں چیبا کی صوبائی اسمبلی اور ۱۹۹۳ءمیں جاپان کے ایوانِ نمائندگان کے لیے منتخب ہوئے۔بعد میں انہوں نے وزیرِ خزانہ کے طور پر خدمات انجام دیں، پھر ستمبر۲۰۱۱ء میں وزیرِ اعظم بنے۔ وہ دسمبر ۲۰۱۲ء تک اس عہدے پر رہے۔ بعد ازاں وزیرِ اعظم رہنے کے بعد بھی نوڈا کی اسٹیشنوں پر آمد جاری رہی۔ 
 ان کی سرکاری ویب سائٹ ستمبر۲۰۲۶ء کے دوران باقاعدہ صبح سویرے اسٹیشن سرگرمیوں کی فہرست دیتی ہے، جہاں تقریروں کے بجائے پمفلٹ تقسیم کیے جاتے ہیں۔اسٹیشن کی سیڑھیوں سے وزیرِ اعظم کے دفتر تکنوڈا، جو چیبا میں پلے بڑھے، نے اپنا سیاسی کیریئر ووٹروں سے براہِ راست رابطے کے ذریعے بنایا۔ اسٹیشن کے دروازے عوام سے ان کے رابطے کے باقاعدہ مقامات میں سے ایک بن گئے۔ دریں اثناء ان کی حالیہ موجودگی اس لیے بھی توجہ کا مرکز بنی کہ مسافر انہیں دیگرمقامی سیاست دان کی طرح ہی سمجھتے دکھائی دیے۔ کچھ نے انہیں پہچانا اور ان کے پمفلٹ لیے، جبکہ کچھ بغیر دھیان دیے گزر گئے۔ 

یہ بھی پڑھئے: سابق وزیراعظم بورس جانسن کا برطانیہ پر زور: عمران خان کی رہائی کیلئے پاکستان پر دباؤ ڈالا جائے

چار دہائیوں سے جڑی سیاست پمفلٹ تقسیم کرنا اور اسٹیشن پر سلام دعا جاپانی سیاسی مہم اور حلقے کے کام کی جانی پہچانی خصوصیات ہیں۔ تاہم، نوڈا کے لیے یہ معمول تقریباً چار دہائیوں سے جاری ہے۔ جاپان کے بلند ترین سیاسی عہدے تک پہنچنے کے بعد بھی وہ صبح سویرے ریلوے اسٹیشنوں پر لوٹتے رہے ہیں، اور ووٹروں اور مقامی برادریوں سے براہِ راست تعلق برقرار رکھے ہوئے ہیں۔ان کی یہ مستقل مزاجی سیاسی زندگی کی ایک غیر معمولی جھلک پیش کرتی ہے۔ جبکہ یہ معمول ان کے وزیرِ اعظم بننے سے بہت پہلے شروع ہوا تھا اور عہدہ چھوڑنے کے کئی دہائیوں بعد بھی جاری ہے۔