لندن میں میکلمور نے’’ فری فلسطین ٹور کا اختتام کیا‘‘ اس موقع پر انہوں نے کہا کہ ،’’خاموش رہنا میرے لیے زیادہ تکلیف دہ تھا‘‘یہ ٹور انہیں ایڈ شیران کے لوپ ٹور سے نکالے جانے کے بعد منقعد کئے گئے تھے۔

میکلمور نے جمعہ کو لندن میں اپنے فری فلسطین ٹور کی آخری رات کا انعقاد کیا، برطانوی سامعین سے کہا،’’مجھے یقین نہیں ہے کہ خاموش رہنا بہادری ہے۔‘‘دارالحکومت کے او وی او ایرینا ویمبلی میں فروخت شدہ ایونٹ میں۱۲۵۰۰؍ سے زیادہ لوگوں کا ہجوم تھا، جنہوں نے امریکی ریپر کے بولنے پر خوشی اور چیخوں کا اظہار کیا۔واضح رہے کہ یہ کنسرٹس فلسطین کے حامی خیالات کا اظہار کرنے پر ایڈ شیران کے لوپ ٹور سے ہٹائے جانے کے ہفتوں بعد ہو رہے ہیں۔ شیران نے بعد میں کہا کہ میکلمور کو نکالنا پروموٹر کا فیصلہ تھا، اور کنسرٹس کی میزبانی کرنے والوں نے دھمکی دی تھی کہ اگر میکلمور اس ٹور کا حصہ رہا تو وہ دستبردار ہو جائیں گے۔جواب میں، میکلمور نے برطانوی دارالحکومت میں اجا مونیٹ، کیور فار پیرانویا، دانا صالح، نعمہ سس، لوکاس جونز، پالوما فیتھ، روز، شادیہ منصور اور وک مینسا جیسے فنکاروں کے ساتھ اپنا بینیفٹ کنسرٹ شروع کیا۔ سویڈش موسمیاتی کارکن گریٹا تھنبرگ مہمان مقررین میں شامل تھیں، ساتھ ہی ہالی ووڈ سپر اسٹارز مارک رفالو، سوسن سیرینڈن، جیویر بارڈیم، سنتھیا نکسن، نیز میلیسا بیررا اور جولین کاسابلانکاس، جو دور سے رابطہ کر رہے تھے اس میں شامل تھے۔

یہ بھی پڑھئے: اسرائیل:عرب جماعتوں کے ساتھ اتحادی حکومت کا مطالبہ کرتے ہوئے ہزاروں لوگ سڑکوں پر

بعد ازاں شیران کے ساتھ صورتحال کے بارے میں میکلمور نے کہا، ’’میرے لیےکچھ کہنے سے زیادہ تکلیف دہ خاموش رہنا تھا۔اور میں صرف یہ کہنا چاہتا ہوں، مجھے یقین نہیں ہے کہ کچھ نہ کہنا بہادری ہے۔ مجھے یقین ہے کہ کچھ نہیں  کہنا جرات مندانہ ہے۔ مجھے یقین ہے کہ کچھ کہنا انسانیت ہے۔ اور غزہ میں وہ بچے ہمارے بچے ہیں۔ کوئی علاحدگی نہیں ہے۔‘‘انہوں نے مزید کہا، ’’میں آج رات یہاں موجود ہر ایک روح کا شکریہ ادا کرنا چاہتا ہوں جس نے آگے بڑھنے، اپنا آرام چھوڑنے، سماج میں رہنے، یاد دہانی کرانے اور یہ محسوس کرنے کا فیصلہ کیا کہ محبت کی یہ فریکوئنسی کیسی لگتی ہے۔‘‘ علاوہ ازیں میکلمور نے برطانوی ہاؤس آف لارڈز کے۵۰؍ اراکین کے بارے میں مزید کہا جنہوں نے برطانوی حکومت پر زور دیا کہ وہ ان کے کنسرٹ پر پابندی لگائے، ’’اس سے قطع نظر کہ۵۰؍ لارڈز کیا کہتے ہیں، یہ زمین کے گرد تمام انسانوں کے لیے مساوات کی کہانی ہے۔‘‘
میکلمور کی ٹیم کے مطابق، ڈبلن، پیرس اور لندن میں ہونے والے کنسرٹس سے حاصل ہونے والی تمام آمدنی فلسطینیوں کی حمایت کرنے والی تنظیموں کو انسانی امداد، طبی دیکھ بھال، تعلیم، وکالت، پالیسی میں تبدیلی اور کمیونٹی اقدامات کے ذریعے جائے گی۔ مشہور آئرش فنکار ہوزئیر اور نی کیپ ڈبلن میں لائن اپ میں شامل تھے، اسی طرح بوئیگا، شیران کا بیکنگ بینڈ جس نے میکلمور کے ساتھ یکجہتی میں لوپ ٹور سے دستبرداری اختیار کر لی تھی بھی شامل رہے۔

یہ بھی پڑھئے: الخلیل: اسرائیلی فوجی لاک ڈاؤن، مسماری کا نواں دن، ۵؍ ہزار فلسطینی بے گھر

وسیع پیمانے پر ردعمل کے بعد، شیران گزشتہ ماہ فلاڈیلفیا میں اسٹیج پر تنازع پر بات کرتے ہوئے جذباتی ہو گئے تھے، انہوں نے کہا، ’’میں مداحوں کو مایوس نہیں کرنا چاہتا، اور میں کبھی بھی ایک کارکن موسیقار نہیں بننا چاہتا تھا، لیکن اس نے مجھے آزادی اظہار اور کرہ ارض کے سب سے پیچیدہ سیاسی مسئلے کے بارے میں ایک اہم اور پرجوش بحث کے بیچ میں ڈال دیا ہے،میرے کنسرٹ ہمیشہ ہر ایک کے لیے ایک محفوظ جگہ رہی ہے ، اور یہ میرے لیے بہت اہم ہے، اسرائیل میں اور۷؍ اکتوبر کو نووا میوزک فیسٹیول میں جو کچھ ہوا وہ خوفناک تھا اور صدیوں کے یہودی درد کو بڑھا دیا۔ غزہ میں جو کچھ ہو رہا ہے وہ تباہ کن اور ناقابل جواز اور غیر متناسب ہے۔‘‘