مدھیہ پردیش انسانی حقوق کمیشن کے رکن ڈاکٹر اودھیش پرتاپ سنگھ نے مختلف اخبارات میں رپورٹ ہونے والے انسانی حقوق کی خلاف ورزیوں کے تین حالیہ واقعات کا نوٹس لیتے ہوئے متعلقہ حکام سے جواب طلب کیا ہے۔

مدھیہ پردیش انسانی حقوق کمیشن کے رکن ڈاکٹر اودھیش پرتاپ سنگھ نے مختلف اخبارات میں رپورٹ ہونے والے انسانی حقوق کی خلاف ورزیوں کے تین حالیہ واقعات کا نوٹس لیتے ہوئے متعلقہ حکام سے جواب طلب کیا ہے۔ 
پہلا معاملہ بھوپال ضلع کے گووند پورہ انڈسٹریل ایریا میں بجلی کی تقسیم کار کمپنی کی پرائیویٹ کالونی کے قریب خالی زمین پر کیمیکل فضلہ کو جلانے کا ہے۔ میڈیا رپورٹس کے مطابق اس جگہ کو برسوں سے کچرا پھینکنے اور جلانے کے لیے استعمال کیا جا رہا تھا۔ جس کی وجہ سے آس پاس کے علاقوں میں زہریلا دھواں پھیل گیا ہے جس سے مکینوں کو صحت کے مسائل درپیش ہیں۔ کمیشن نے بھوپال میونسپل کارپوریشن کے کلکٹر اور کمشنر سے معاملے کی جانچ کرکے دو ہفتے کے اندر رپورٹ پیش کرنے کو کہا ہے۔ 

یہ بھی پڑھئے:تباہ حال غزہ میں پیدا ہونے والی بچی کا نام سنگاپور کیوں رکھا گیا

دوسرے معاملے میں، کھنڈوا ضلع کے پیپلوڈ تھانہ علاقے کے گاؤں گانڈوا میں ایک ۱۸؍ ماہ کے لڑکے کی علاج کے دوران موت ہو گئی۔ میڈیا رپورٹس کے مطابق لڑکے کو نمونیا کی تشخیص ہوئی اور ڈاکٹر نے بیک وقت سیلائن اور پانچ انجیکشن لگائے جس کے نتیجے میں آدھے گھنٹے میں اس کی موت واقع ہوگئی۔ کمیشن نے کلکٹر اور چیف میڈیکل آفیسر کھنڈوا سے کہا ہے کہ وہ معاملے کی تحقیقات کریں اور دو ہفتے کے اندر رپورٹ پیش کریں۔ 

یہ بھی پڑھئے: ’’ریاستی درجہ کی بحالی کیلئے بی جے پی سے ہاتھ ملانے کا سوال ہی پیدا نہیں ہوتا‘‘

تیسرے معاملے میں ودیشہ ضلع کے گیارس پور بلاک میں مہمان اساتذہ کو تین ماہ سے ان کا اعزازیہ ادا نہیں کیا گیا ہے۔ میڈیا رپورٹس کے مطابق ضلع کے دیگر بلاکس میں بھی ادائیگیاں ہوچکی ہیں تاہم گیارسپور بلاک میں اساتذہ کو مالی اور ذہنی پریشانی کا سامنا ہے۔ کمیشن نے ڈسٹرکٹ ایجوکیشن آفیسر ودیشا سے کہا ہے کہ وہ اس معاملے کی جانچ کر کے دو ہفتے کے اندر رپورٹ پیش کریں۔ معزز ممبر ڈاکٹر اودھیش پرتاپ سنگھ نے کہا کہ کمیشن کو توقع ہے کہ ڈسٹرکٹ ایجوکیشن آفیسر، ودیشا، تینوں معاملات میں فوری اور مناسب کارروائی کو یقینی بنا کر انسانی حقوق کے تحفظ کے لیے سنجیدہ اقدامات کریں گے۔