آسٹریلیا کی کرکٹ ٹیم کے مایہ ناز فاسٹ بولر مشیل اسٹارک نے کہا ہے کہ وہ مہمان ٹیم کے خلاف مینز ایشز سیریز کے دوسرے ٹیسٹ میچ میں بھی اپنی عمدہ کارکردگی کی بدولت ٹیم کی فتح میں اہم کردار ادا کریں گے۔

آسٹریلیا کی کرکٹ ٹیم کے مایہ ناز فاسٹ بولر مشیل  اسٹارک نے کہا ہے کہ وہ مہمان ٹیم کے خلاف مینز ایشز سیریز کے دوسرے ٹیسٹ میچ میں بھی اپنی عمدہ کارکردگی کی بدولت ٹیم کی فتح میں اہم کردار ادا کریں گے۔ انہوں نے کہا کہ وہ مکمل طور پر فٹ اور بھرپور فارم میں ہیں اور اپنی ٹیم کو انگلینڈ کے خلاف ایشز سیریز کے آئندہ میچوں میں بھی فتح دلانے کے لئے پرعزم ہیں۔ 
آسٹریلیا کے شہر پرتھ میں کھیلے گئے ابتدائی ٹیسٹ میچ میں میزبان آسٹریلیا نے شاندار کھیل پیش کرتے ہوئے مہمان انگلینڈ ٹیم کو ۸؍ وکٹوں سے شکست دے کرایشیز سیریز میں ۰۔۱؍کی برتری حاصل کرلی تھی۔ دونوں ٹیموں کے درمیان سیریز کا دوسرا میچ ۴؍ سے ۸؍دسمبر تک گابا ،برسبین میں کھیلا جائے گا۔ 
پہلے ٹیسٹ میچ میں انگلینڈ کے خلاف مین آف دی میچ کا اعزاز پانے والے مایہ ناز آسٹریلیائی فاسٹ بولر  مشیل  اسٹارک نے اپنے ایک بیان میں کہا کہ وہ انگلینڈ کے خلاف پہلے ٹیسٹ میچ میں اپنی کارکردگی سے مطمئن ہیں۔  انہوں نے کہا کہ ان کی ٹیم مہمان ٹیم کو اگلے  میچ میں بھی شکست  دے کر  سیریز اپنے نام کرے گی  جس کے لئے ٹیم بہتر حکمت عملی تیار کر رہی ہے۔ انہوں نے کہا کہ دوسرے ٹیسٹ میں کامیابی کے لئے مربوط حکمت عملی کے تحت جیت کے لئے میدان میں اتریں گے۔۳۵؍سالہ مشیل  اسٹارک نے انگلینڈ کے خلاف پہلے ٹیسٹ کی پہلی اننگز میں ۷؍ اور دوسری اننگز میں ۳؍جبکہ میچ میں مجموعی طور پر ۱۰؍ وکٹ حاصل کر کے اپنی ٹیم کی فتح میں کلیدی کردار ادا کیا تھااور میچ کے بہترین کھلاڑی کا اعزاز پایا تھا۔ واضح رہے کہ آسٹریلیا اور انگلینڈ کی کرکٹ ٹیموں کے درمیان مینز ایشز سیریز کا دوسرا ڈے اینڈ نائٹ ٹیسٹ میچ ۴؍ سے ۸؍ دسمبر تک گابا،برسبین میں کھیلا جائےگا۔

یہ بھی پڑھئے:ریزرو بینک ریپو ریٹ میں کمی کر سکتا ہے

 جو روٹ نے ایشیز سیریز میں پنک بال ٹیسٹ کی مخالفت کردی
 انگلش کرکٹ ٹیم کے لیجنڈ بلے باز جو روٹ نے ایشیز سیریز میں پنک بال ٹیسٹ کی مخالفت کردی۔ برسبین میں۴؍ دسمبر سے شیڈول ایشیز سیریز کے دوسرے ٹیسٹ میچ سے متعلق میڈیا سے گفتگو میں جو روٹ سے سوال کیا گیا کہ کیا ایشیز میں پنک بال ٹیسٹ ضروری ہے؟ 

یہ بھی پڑھئے:امریکی ایف ڈی اے کے دستاویز میں کرونا ویکسین اور ۱۰؍ بچوں کی موت میں ربط: رپورٹ

جس پر جو روٹ نے کہا کہ ڈے نائٹ ٹیسٹ آسٹریلیا میں بہت کامیاب اور مقبول ہے اور آسٹریلوی ٹیم کا بھی اس حوالے سے ریکارڈ شاندار ہے۔ اسی لیے ہمیں یہاں ایک ایسا میچ ضرور کھیلنا پڑتا ہے جس کا ہمیں دو سال پہلے ہی معلوم ہوتا ہے۔  ان کا مزید کہنا تھا کہ میری ذاتی رائے میں ایشیز سیریز میں پنک بال ٹیسٹ نہیں ہونا چاہیے لیکن اس کا یہ مطلب نہیں کہ اس کی موجودگی غلط ہے یا یہ یہاں ہونا ہی نہیں چاہیے۔ واضح رہے کہ آسٹریلیا اور انگلینڈ کے درمیان ایشیز سیریز کا برسبین میں شیڈول دوسرا ٹیسٹ میچ ڈے نائٹ ہوگا جس کا آغاز ۴؍ دسمبر۲۰۲۵ء سے ہوگا۔