مومن پورہ میں واقع حنا بیکری کے اُوپر ایک سو گیارہ سال پہلے (۱۹۱۵ء میں) مومن پورہ اُردو میونسپل اسکول کا قیام عمل میں آیا تھا۔ 

مومن پورہ میں واقع حنا بیکری کے اُوپر ایک سو گیارہ سال پہلے (۱۹۱۵ء میں) مومن پورہ اُردو میونسپل اسکول کا قیام عمل میں آیا تھا۔  اس دور میںاس علاقےمیں کوئی اُردو اسکول نہیں تھا۔ یہ مومن پورہ کا پہلا اُردو اسکول تھا، جہاں اوّل تاہفتم جماعت کی پڑھائی کی سہولت تھی۔ علاقہ میں کوئی دوسرا اسکول نہ ہونے سے اس وقت بچوں کی تعداد خاطرخواہ تھی۔ ۲۰۰۶ء میں صابرہ بامبووالا کی نگرانی میں یہ اسکول اگری پاڑہ مراٹھی اسکول میں منتقل ہوا ۔ اس عمارت میں مومن پورہ کے علاوہ دیگر ۴؍ میڈیم کے اسکول جاری ہیں، جن میں ایک سیکنڈری اُردو اسکول بھی ہے۔

یہ بھی پڑھئے:ریاست کے ایک کروڑ ۲۰ ؍لاکھ ووٹروں کو دستاویز دکھانا ضروری

مومن پورہ اسکول کے طلبہ آٹھویں پاس کرنے کے بعد اسی سیکنڈری اسکول سے تعلیم جاری رکھتے ہیں۔ مومن پورہ اسکول کے طلبہ کا رزلٹ گزشتہ ۳؍ سال سے صد فیصد آ رہا ہے۔ یہاں کے طلبہ غیرنصابی سرگرمیوں میں بھی خوش و خروش سے حصہ لیتے ہیں۔

مومن پورہ اسکول کی ہیڈ مسٹریس یاسمین بانو محمد حنیف کے بقول ’’ ہماری ا سکول سے جو بچے پڑھ کے گئے ہیں ان میں کئی ایسے ہیں جنہوں  نے مختلف شعبوں میں نمایاں کامیابی حاصل کی ہے، مثلاً ہماری ایک طالبہ نے ڈاکٹریٹ کی ڈگری حاصل کی، اس کے علاوہ کچھ بچیاں بحیثیت نرس اپنی خدمات انجام دے  رہی ہیں اور کچھ معلم بن چکی  ہیں۔ اسکالرشپ امتحان میں بھی ہمارے بچوں نے امتیازی کامیابی درج کرائی ہے۔