ایم پی ایم ایل اے کی ایک خصوصی عدالت نے جمعرات کو جھارکھنڈ کے سابق وزیر اعلیٰ ہیمنت سورین کو مبینہ زمین گھوٹلے سے منسلک منی لانڈرنگ کیس کے سلسلے میں عدالتی حراست میں بھیج دیا۔ واضح رہے کہ سابق وزیراعلیٰ اور حکمراں جماعت جھارکھنڈ مکتی مورچہ کے ایگزیکٹو صدر ای ڈی کی حراست میں تھے۔

ذرائع کے مطابق ہیمنت سورین کے ایڈوکیٹ جنرل راجیو رنجن نے کہا بتایا کہ ہیمنت سورین کو آج خصوصی عدالت میں پیش کیا گیا تھا جہاں عدلت نے  انہیں ۲۲؍ فروری تک عدالتی حراست میں بھیج دیا۔ انھوں نے مزید کہا کہ ہم ان کے لیے ضمانت کی درخواست دائر کریں گے۔ سورین کو عدالت سے رانچی کے ہوتوار میں واقع برسا منڈا سنٹرل جیل لے جایا گیاہے۔
خیال رہے کہ ای ڈی نے انہیں زمین سے متعلق گھوٹالے کے الزام میں منی لانڈرنگ کیس کے تحت ۳۱؍ جنوری کو گرفتار کیا تھا۔۲؍فروری کو عدالت نے سورین کو ۵؍ دن کی ای ڈی کی تحویل میں دی اور اسے مجموعی طور پر ۷؍ دن کے لیے دو بار بڑھا دیا تھا۔