کانگریس پر تنقید کی کہ سابقہ تین انتخابات میں کانگریس کو جتنی سیٹیں ملی ہیں، بی جے پی نے اس بار اس سے زیادہ سیٹیں جیتی ہیں۔

مرکزی وزیر داخلہ امیت شاہ نے اتوار کہا کہ قومی جمہوری اتحاد (این ڈی اے) حکومت نہ صرف اپنی مدت پوری کرے گی بلکہ ۲۰۲۹ء میں بھی این ڈی اے کی حکومت بنے گی۔ چندی گڑھ میں ۲۴؍ گھنٹے پانی کی فراہمی کو یقینی بنانے کے منصوبے کا افتتاح کرنے کے بعد ایک جلسہ ٔ عام سے خطاب کرتے ہوئے امیت شاہ نے کہا’’میں آپ کو یقین دلانا چاہتا ہوں کہ اپوزیشن جو چاہے کہہ سکتا ہے لیکن فکر نہ کریں۔ ۲۰۲۹ء میں بھی صرف این ڈی اے ہی اقتدار میں آئے گی، مودی جی ہی( اقتدار میں ) آئیں گے۔ ‘‘

یہ بھی پڑھئے: لکھنؤ آگرہ ایکسپریس وے پر بھیانک حادثہ،۶؍ کی موت

انہوں نے کہا’’اپوزیشن پارٹیوں کو لگتا ہے کہ انہوں نے انتخابات میں کچھ کامیابی حاصل کی ہے۔ انہیں نہیں پتہ کہ (پچھلے) تین انتخابات میں کانگریس کو جتنی سیٹیں ملی ہیں، بی جے پی نے اس الیکشن میں اس سے زیادہ سیٹیں جیتی ہیں۔ امیت شاہ نے کہا’’وہ یہ نہیں جانتے۔ بی جے پی کے پاس ان(اپوزیشن) کے پورے اتحاد کی کل نشستوں سے زیادہ نشستیں ہیں، یہ لوگ، جو غیر یقینی کی فضا پیدا کرنے کی منصوبہ بندی کر رہے ہیں، بار بار کہتے ہیں کہ یہ حکومت نہیں چلے گی۔ میں اپوزیشن کو یقین دلانا چاہتا ہوں کہ یہ حکومت نہ صرف اپنی پانچ سالہ میعاد پوری کرے گی بلکہ اگلی میعاد بھی اسی حکومت کی ہوگی۔ اپوزیشن میں بیٹھنے کیلئے تیار رہیں اور اپوزیشن میں موثر انداز میں کام کرنا سیکھیں۔ اس موقع پرپنجاب کے گورنر اور چندی گڑھ کے ایڈمنسٹریٹر گلاب چند کٹاریہ بھی موجود تھے۔