امریکی صدر ٹرمپ کے اس بیان پر کہ انہوں نے الہان عمر کو صومالیہ ڈی پورٹ کرنے کیلئے وہاں کے صدر سے بات کی ہے۔ الہان عمر نے کہا کہ ٹرمپ جھوٹے اور احمق ہیں۔

ڈیموکریٹک نمائندہ الہان ​​عمر اور امریکی صدر ڈونالڈ ٹرمپ نے ایک بار پھر لفظی جنگ چھڑ گئی ہے۔ الہان عمر نے امریکی صدر کو ’’جھوٹ بولنے والا‘‘ اور ’’شرمناک جھوٹا‘‘ قرار دیا۔ الہان عمر کا دعویٰ ہے کہ ٹرمپ نے صومالیہ کے صدر سے انہیں (الہان) ملک بدر کرنے کیلئے بات کی تھی۔ الہان عمر نے ایکس پر لکھا کہ ’’صومالیہ میں صدر نہ ہونے کے بیان سے لے کر صدر ٹرمپ جھوٹ بولنے والے بدمعاش ہیں۔ کسی کو بھی اس شرمناک احمق کو سنجیدگی سے نہیں لینا چاہئے۔‘‘ واضح رہے کہ یہ اس وقت سامنے آیا جب ٹرمپ نے دعویٰ کیا کہ انہوں نے اوول آفس میں ایگزیکٹو آرڈرز پر دستخط کرتے ہوئے الہان عمر کو ملک بدر کرنے کیلئے صومالیہ کے صدر سے بات کی 

From denying Somalia had a president to making up a story, President Trump is a lying buffoon. No one should take this embarrassing fool seriously https://t.co/cldRS1AkWU

— Ilhan Omar (@IlhanMN) September 25, 2025

یہ بھی پڑھئے:گجرات: ’’آئی لومحمد‘‘ کے خلاف توہین آمیز پوسٹ کے بعد بہیال میں تشدد

اس سے قبل ٹرمپ نے کانگریس کی خاتون رکن الہان ​​عمر پر امریکی شہریت حاصل کرنے کیلئے اپنے بھائی سے شادی کرنے کا الزام لگایا تھا۔ امریکی صدر کا یہ بے بنیاد دعویٰ اس وقت سامنے آیا جب عمر کی جانب سے چارلی کرک کے قتل پر بائیں بازو پر حملہ کرنے پر ریپبلکنز پر تنقید کی گئی۔ زی ٹیو پر مہدی حسن سے بات کرتے ہوئے عمر نے ریپبلکنز کو ’’غلیظ‘‘ قرار دیا۔ اس پر ردعمل ظاہر کرتے ہوئے، ٹرمپ نے اپنے سوشل میڈیا پلیٹ فارم ٹروتھ سوشل پر پوسٹ کیا کہ ’’الہان ​​عمر کا ملک صومالیہ مرکزی حکومت کے کنٹرول کی کمی، مسلسل غربت، بھوک، دوبارہ پیدا ہونے والی دہشت گردی، قزاقی، کئی دہائیوں کی خانہ جنگی، بدعنوانی اور وسیع تشدد سے دوچار ہے۔ کیا یہ وہ وہی نہیں ہے جس نے شہریت حاصل کرنے کیلئےاپنے بھائی سے شادی کی؟ ہمارے ملک میں کون سا کیڑا ہے، جو ہمیں بتا رہا ہے کہ کیا کرنا ہے، اور کیسے کرنا ہے۔‘‘