ہندوستان میں ہائی اسپیڈ ریلوے ٹریک کی لمبائی گزشتہ ۱۱؍برسوں میں دُگنی سے بڑھ کر۸۴۲۴۴؍ کلومیٹر ہو گئی ہے، جو ۲۰۱۴ء میں۳۱۴۴۵؍ کلومیٹر تھی۔ یہ بیان ریلوے وزارت کی طرف سے اتوار کو جاری کیا گیا۔

ہندوستان میں ہائی اسپیڈ ریلوے ٹریک کی لمبائی گزشتہ  ۱۱؍برسوں میں دُگنی سے بڑھ کر۸۴۲۴۴؍ کلومیٹر ہو گئی ہے، جو ۲۰۱۴ء میں۳۱۴۴۵؍  کلومیٹر تھی۔ یہ بیان ریلوے وزارت کی طرف سے اتوار کو جاری کیا گیا۔وزارت نے بتایا کہ جائزہ مدت کے دوران ملک میں مجموعی ریلوے ٹریک نیٹ ورک میں ہائی اسپیڈ ٹریک کا حصہ بڑھ کر۸۰؍ فیصد ہو گیا ہے، جو پہلے ۴۰؍ فیصد تھا۔ اس سے ٹرینوں کی رفتار پہلے کے مقابلے میں زیادہ ہو گئی ہے۔
وزارت نے بیان میں کہا کہ ہندوستانی ریلوے نے گزشتہ ۱۱؍برسوں میں ٹریک انفراسٹرکچر اور حفاظتی اقدامات کو بڑھانے پر تیزی سے توجہ دی ہے، جس سے ٹریک کے معیار اور حفاظت میں اہم پیش رفت ہوئی ہے۔ ان اقدامات سے ملک بھر میں محفوظ، تیز اور زیادہ قابل اعتماد ریلوے آپریشن کو فروغ ملا ہے۔
بیان میں مزید بتایا گیا کہ مالی سال۲۵۔۲۰۲۴ء کے دوران ہندوستانی ریلوے نے۶۸۵۱؍کلومیٹر سے زیادہ ٹریک کی مرمت اور اپگریڈیشن کی۔ موجودہ مالی سال ۲۶۔۲۰۲۵ء میں۷۵۰۰؍ کلومیٹر سے زیادہ ٹریک کی مرمت جاری ہے۔ اس کے علاوہ، مالی سال ۲۷۔۲۰۲۶ء کے لیے ۷۹۰۰؍ کلومیٹر ٹریک کی مرمت کا منصوبہ بنایا گیا ہے، جو اثاثوں کی قابل اعتماد اور حفاظتی معیار پر مستقل توجہ کو ظاہر کرتا ہے۔

یہ بھی پڑھئے:گھریلو سطح پر طلب مضبوط، عام بجٹ میں اصلاحات کے تسلسل پر توجہ ہو: سی آئی آئی

وزارت نے کہا کہ ریلوے ٹریک کے کنارے حفاظتی باڑ لگانے کا کام بھی ترجیحی بنیادوں پر شروع کیا گیا ہے تاکہ مویشیوں کے کچلے جانے اور تجاوزات کی صورتحال کو کم کیا جا سکے اور مجموعی حفاظت کو بہتر بنایا جا سکے۔ اب تک تقریباً ۱۵؍ہزار کلومیٹر باڑ لگائی جا چکی ہے، جس سے ان حصوں میں حفاظتی معیار میں بہتری آئی ہے جہاں ٹرینیں ۱۱۰؍ کلومیٹر فی گھنٹہ سے زیادہ رفتار سے چلتی ہیں۔
ٹرینوں کی روانی کے لیے اہم ٹرن آؤٹ ری نیو ایبل میں بھی مضبوط پیش رفت ہوئی ہے۔ ۲۵۔۲۰۲۴ء میں۷۱۶۱؍ تھِک  ویب سوئچ اور۱۷۰۴؍ ویلڈیبل  سی ایم ایس (کاسٹ مینگنیز اسٹیل) کراسنگ لگائی گئی۔۲۶۔۲۰۲۵ء میں ۸؍ہزارسے زیادہ تھک ویب سوئچ اور۳۰۰۰؍ سے زیادہ ویلڈیبل سی ایم ایس  کراسنگ لگائی جا رہی ہیں۔

یہ بھی پڑھئے:افریقن کپ آف نیشنز: نائیجیریا نے مصر کو ہرا کر تیسری پوزیشن چھین لی

بیان میں بتایا گیا کہ ٹریک کی مضبوطی برقرار رکھنے اور سواری کے معیار کو بہتر بنانے کے لیے ضروری بجری کی مشینی اور گہری جانچ مسلسل کی جا رہی ہے۔  ۲۵۔۲۰۲۴ءمیں ۷۴۴۲؍ کلومیٹر ٹریک کی گہری جانچ مکمل کی گئی، جبکہ ۲۶۔۲۰۲۵ء میں۷۵۰۰؍ کلومیٹر سے زیادہ ٹریک کی گہری جانچ جاری ہے۔