جنوبی امریکی ملک پیراگوئے میں بڑے ڈیجیٹل بینک ’یوئینو بینک‘ کی مالی مشکلات شدت اختیار کرنے کے بعد مرکزی بینک نے اس کا کنٹرول سنبھال لیا اور اس کے معمول کے کاروبار کو بند کرنے کا عمل شروع کردیا۔

جنوبی امریکی ملک پیراگوئے میں بڑے ڈیجیٹل بینک ’یوئینو بینک‘ کی مالی مشکلات شدت اختیار کرنے کے بعد مرکزی بینک نے اس کا کنٹرول سنبھال لیا اور اس کے معمول کے کاروبار کو بند کرنے کا عمل شروع کردیا۔ بینک دیوالیہ ہوجانے سے تقریباً ۳۰؍ لاکھ صارفین اپنے اکاؤنٹس اور جمع شدہ رقم تک رسائی سے محروم ہوگئے۔حکام کے مطابق یہ تعداد ملک کی بالغ آبادی کے تقریباً ۶۰؍ فیصد کے برابر ہے، جبکہ پیراگوئے کی مجموعی آبادی تقریباً ۶۵؍ لاکھ ہے۔

یہ بھی پڑھئے: حوثیوں کا سعودی عرب پر حملے روکنے کیلئے ۵۱؍ ارب ڈالر اور حکومت تسلیم کیے جانے کا مطالبہ

پیراگوئے کے مرکزی بینک نے ۲؍ نومبر۲۰۲۶ءکو متفقہ فیصلے کے ذریعے یوئینو بینک کے خلاف خصوصی کارروائی شروع کرنے کا اعلان کیا۔ مرکزی بینک کے مطابق بینک کا مالی استحکام اور سرمایہ کی قانونی حد سے مطابقت رکھنے والا تناسب مقررہ کم از کم معیار کے نصف سے بھی نیچے گر گیا تھا۔اس صورتحال کے بعد بینک کا انتظام سرکاری حکام کے حوالے کردیا گیا، جبکہ اس کی موبائل ایپ، کارڈز اور دیگر خدمات معطل ہوگئیں۔ صارفین فوری طور پر اپنی رقم نکلوانے یا دوسرے اکاؤنٹس میں منتقل کرنے سے قاصر ہوگئے۔یوئینونو بینک کے پاس تقریباً ۸۰؍ کروڑ سے ۸۵؍ کروڑ ڈالر کے سرکاری فنڈز بھی موجود تھے۔