وزیر اعظم مودی نے اتراکھنڈ کے یومِ تاسیس کے موقع پر وزیر اعلیٰ پشکر سنگھ دھامی کو خط لکھ کر ریاست کے تمام شہریوں کو دلی مبارکباد پیش کی ہے۔

وزیر اعظم مودی نے اتراکھنڈ کے یومِ تاسیس کے موقع پر وزیر اعلیٰ پشکر سنگھ دھامی کو خط لکھ کر ریاست کے تمام شہریوں کو دلی مبارکباد پیش کی ہے۔ اپنے تفصیلی پیغام میں انہوں نے اتراکھنڈ کے۲۶؍ سالہ ترقیاتی سفر، ریاست کے روحانی اور ثقافتی ورثے، بنیادی ڈھانچے کی توسیع، سرحدی علاقوں کی ترقی اور مختلف شعبوں میں حاصل ہونے والی کامیابیوں کا ذکر کرتے ہوئے حکومت کی کوششوں کی ستائش کی ہے۔ انہوں  نے کہا کہ۹؍ نومبر ۲۰۰۰ء کو  اُس وقت کے وزیر اعظم اٹل بہاری واجپئی کی دور اندیشی اور پختہ عزم کے نتیجے میں اتراکھنڈ ایک الگ ریاست کے طور پر وجود میں آیا۔ انہوں نے کہا کہ جن امیدوں اور خواہشات کے ساتھ اتراکھنڈ کی تشکیل کی گئی تھی، آج ریاست انہیں پورا کرنے کی سمت مسلسل آگے بڑھ رہی ہے۔ اتراکھنڈ کی قدرتی خوبصورتی اور روحانی اہمیت کا ذکر کرتے ہوئے انہوں نے کہا کہ ہمالیہ کی بلند چوٹیوں کے درمیان واقع یہ ریاست قدرت کے بے مثال حسن اور روحانی عظمت کا حسین امتزاج ہے۔انہوں نے کہا کہ ڈبل انجن کی حکومت اس مقصد کو حاصل کرنے کیلئے مسلسل کام کر رہی ہے۔

یہ بھی پڑھئے: میری کتاب سیاسی نہیں، خاندان اور محبت کی کہانی اور ذاتی نوعیت کی تحریر ہے: سونیا گاندھی