بھرتیوں کا طریقہ بدلے گا

این ٹی اے نے بھرتیوں کیلئے یو پی ایس سی کے ذریعے اشتہار بھی جاری کیا ہے۔ نئے اہلکاروں کی تقرری یو پی ایس سی کے پرتبھا سیتو پورٹل کے ذریعے کی جائے گی۔ این ٹی اے نے چار سینئر پروفیشنل (جنرل منیجر) کے عہدوں  کے لیے براہ راست درخواستیں طلب کی ہیں، جبکہ اسی پورٹل کے ذریعے۱۶؍ینگ پروفیشنلز بھی مقرر کیے جائیں گے۔نیٹ پیپر  لیک  کے  خلاف طلبہ کے احتجاج  نے حکومت کو بے بس اور   اقدامات کیلئے مجبور کردیاہے۔ 

’’ایک بدعنوان کی جگہ دوسرا بدعنوان‘‘

ابھیجیت دپکے نے جمعہ کو وزارتِ تعلیم کے سیکریٹری کے تبادلہ پر سخت تنقید کرتے ہوئے الزام لگایا کہ حکومت ایک  افسرکو ہٹا کر اس کی  جگہ دوسرا بدعنوان افسر لارہی ہے۔ایکس پر  پوسٹ میں دپکے نے کہاکہ’’حکومت جوابدہی یقینی بنانے کے بجائے بدعنوانی کو انعام دے رہی ہے۔‘‘ انہوں نے دعویٰ کیا کہ ایجوکیشن محکمہ میں نئے تعینات کئےگئے آئی اے ایس افسر پر کروڑوں روپے کی بدعنوانی کے سنگین الزامات ہیں۔‘‘

یہ بھی پڑھئے: ستارا میں اندوہناک سڑک حادثہ ، ۳؍ لوگوں کی موقع پر ہی موت

’’سنسدچلو‘‘کیخلاف اپیل خارج

دہلی ہائی کورٹ نے جمعہ کو مفاد عامہ کی اس پٹیشن  پر سماعت سے انکار کر دیا جس میں  ۲۰؍جولائی   کے پارلیمنٹ مارچ کی تحقیقات این آئی اے یا کسی خصوصی ایجنسی سے کرانے کا مطالبہ کیا گیا تھا۔چیف جسٹس ڈی کے اپادھیائے اور جسٹس تیجس کاریا پر مشتمل بنچ نے کہا کہ  قانون کے تحت کسی معاملہ کو این آئی اے کے سپرد کرنا مرکزی حکومت کا اختیار ہے، عدالت کا نہیں۔عدالت نے عرضی داخل کرنے کی ضرورت پر ہی سوال اٹھایا۔