یہ نیٹ ورک ملک کی ساتوں ریاست اور سعودی عرب اورعمان جیسے پڑوسی ملکوں کو بھی جوڑے گا۔

الاماراتی ٹرین نیٹ ورک اتحاد ریل نے متحدہ عرب امارات کی تمام ساتوں ریاستوں کو ملانے کے لیے ٹرین سروس منصوبےکا اعلان کرتے ہوئے کہا ہے کہ ۲۰۲۶ءمیں مسافر سروس شروع کردی جائے گی۔ بین الاقوامی خبر رساں ادارے کی رپورٹ کےمطابق دبئی کی مشہور میٹرو سروس کے برعکس، جو صرف دبئی کے مختلف علاقوں کے درمیان چلتی ہے، اتحاد ریل پورے ملک کو جوڑے گی اور سعودی عرب اور عمان جیسے ہمسایہ ممالک کو بھی جوڑ دے گی۔ رپورٹس کے مطابق اماراتی حکام کے مطابق، اتحاد ٹرین متحدہ عرب امارات میں تیز، آرام دہ اور سستے سفر کی سہولت فراہم کرے گا۔ 
 یو اے ای میں رہنے والے افراد کے لیے یہ ریل نیٹ ورک امارات کے مختلف علاقوں تک آسان رسائی اور خلیجی ممالک کے درمیان بغیر کسی مشکل کے سفر کے مواقع فراہم کرے گی۔ دبئی میں اتحار ٹرین کامرکزی اسٹیشن دبئی پروڈکشن سٹی میں واقع جمیرا گالف اسٹیٹس کے قریب متوقع ہے، جو کہ اہم شاہراہوں اور رہائشی کمیونٹیز تک آسان رسائی کا ذریعہ ہوگا۔ 
 دوسری جانب ابوظہبی میں متحدہ عرب امارات اور امریکہ نے ۵؍ گیگا واٹ صلاحیت کے آرٹیفیشل انٹلیجنس (اے آئی) کیمپس کے پہلے مرحلے کا آغاز کردیا ہے۔ یہ منصوبہ ’امریکہ- امارات آرٹیفیشل انٹلیجنس ایکسیلیریشن پارٹنرشپ‘ کے تحت قائم کیا گیا ہے۔