الرٹ کے مطابق کئی مقامات پر۶۰؍ کلومیٹر فی گھنٹہ کی رفتار سے ہوائیں چلیں گی، ۱۱؍ سے ۱۶؍اکتوبر کے درمیان مذکورہ ریاستوں میں کئی مقامات پر بارش ہونے کا اندازہ.

محکمہ موسمیات (آئی ایم ڈی) نے۱۲؍ اکتوبر کو ہریانہ، پنجاب، چنڈی گڑھ اور دہلی میں چند مقامات پر بجلی چمکنے اور تیز ہواؤں(۴۰؍سے ۵۰؍ کلومیٹر فی گھنٹہ، اور جھونکوں  کے ساتھ۶۰؍ کلومیٹر فی گھنٹہ تک) کے ساتھ آندھی طوفان کا پیش گوئی کی ہے۔ شمال مغربی ہندوستان کے کچھ حصوں میں موسم کے خراب ہونے کے آثار ہیں۔

آئی ایم ڈی کے اتوار کو جاری کردہ بلیٹن کے مطابق۱۱؍ سے۱۶؍ اکتوبر کے درمیان ہریانہ، پنجاب، چنڈی گڑھ اور دہلی میں کہیں کہیں بارش ہونے کا امکان ہے اور۱۲؍ اکتوبر کو بھی کچھ جگہوں پر بارش ہو سکتی ہے۔ محکمہ کے سات دنوں کی بارش کی پیش گوئی سے پتہ چلتا ہے کہ۱۲؍ اکتوبر کو اس علاقے میں بارش کی سرگرمی نسبتاً زیادہ ہوگی، اور کچھ جگہوں پر آندھی طوفان، بجلی چمکنے اور زمین کے قریب تیز ہوائیں چلنے کی بھی امید ہے۔ آئی ایم ڈی نے۱۲؍ اکتوبر کو ۴۰؍ سے۵۰؍ کلومیٹر فی گھنٹہ کی رفتار سے ہوا چلنے اور جھونکوں  کے ساتھ۶۰؍ کلومیٹر فی گھنٹہ تک رفتار پہنچنے کا تخمینہ لگایا ہے۔ پیش گوئی میں یہ نہیں کہا گیا ہے کہ پورے علاقے میں مسلسل اتنی تیز ہوائیں چلیں گی۔ موسم میں یہ تبدیلیاں شمال مغربی ہندستان کو متاثر کرنے والے کئی نظاموں کی وجہ سے ہو رہی ہیں۔

یہ بھی پڑھئے: دہلی پولیس پربدسلوکی اور گرفتار شدگان کے ساتھ مارپیٹ کا الزام

۱۱؍ اکتوبر کو صبح درج کیے گئے اعداد و شمار کی بنیاد پر موسمیاتی تجزیے کے مطابق، ہریانہ اور آس پاس کے علاقوں میں سمندر کی سطح سے تقریباً۱ء۵؍کلومیٹر کی اونچائی پر بالائی ہوا میں سائیکلونلک سرکولیشن بنا ہوا ہے۔ سمندر کی سطح سے۳ء۱؍ کلومیٹر اوپر ہماچل پردیش کے اوپر ایک سائیکلونلک سرکولیشن کے طور پر ایک ویسٹرن ڈسٹربنس بھی موجود ہے اس کے علاوہ، سمندر کی سطح سے۰ء۹؍ کلومیٹر اوپر شمال مغربی راجستھان سے شمال مشرقی مدھیہ پردیش تک پھیلا ہوا ایک کم دباؤ کا خطہ فعال ہے، جبکہ مشرقی اتر پردیش اور اس سے متصل علاقوں میں بالائی ہوا کا ایک اور سائیکلونلک سرکولیشن موجود ہے۔ آئی ایم ڈی نے آنے والے دنوں میں پڑوسی پہاڑی ریاستوں میں بارش کا بھی تخمینہ لگایا ہے۔۱۱؍ سے۱۶؍ اکتوبر کے درمیان ہماچل پردیش اور اتراکھنڈ میں کہیں کہیں یا چھٹ پٹ  بارش ہونے کا اندازہ ہے۔۱۳؍ اور۱۴؍ اکتوبر کو ہماچل پردیش میں کچھ جگہوں پر بجلی چمکنے کے ساتھ آندھی طوفان کی بھی پیش گوئی ہے۔۱۳؍ اور۱۶؍ اکتوبر کو جموں و کشمیر اور لداخ میں کافی بڑے علاقے میں یا وسیع پیمانے پر بارش ہونے کی امید ہے، جبکہ۱۱؍ اکتوبر اور۱۴؍سے۱۵؍ اکتوبر کے دوران کہیں کہیں بارش ہو سکتی ہے۔۱۴؍سے ۱۶؍ اکتوبر کے درمیان جموں و کشمیر اور لداخ میں بھی کچھ جگہوں پر بجلی چمکنے کے ساتھ آندھی طوفان کا خدشہ ہے۔ آ ئی ایم ڈی کے۱۰؍ اکتوبر کےکے اعداد و شمار سے پتہ چلتا ہے کہ ہریانہ، چنڈی گڑھ، دہلی اور پنجاب میں کئی جگہوں پر کم سے کم درجہ حرارت معمول سے زیادہ رہا۔