آج ریونت ریڈی نے تلنگانہ کے دوسرے وزیر اعلیٰ کے طور پر حلف اٹھایا ہے۔ حیدرآباد کے لال بہادر شاستری اسٹیڈیم میں ان کی حلف برداری کی تقریب منعقد کی گئی تھی جس میں گورنر تاملیسائی سوندرراجن نے انہیں حلف دلایا۔ تقریب میں سونیا گاندھی، راہل گاندھی، پرینکا گاندھی اور پارٹی صدر ملکار جن کھرگے بھی موجود تھے۔

تلنگانہ کانگریس کے صدر ریونت ریڈی، جنہوں نے ۳۰؍ نومبر کو تلنگانہ اسمبلی انتخابات میں کلیدی کردار ادا کیا تھا آج تلنگانہ کے دوسرے وزیر اعلیٰ کے طور پر حلف لیا ہے۔ ان کی حلف برداری کی تقریب حیدرآباد میں لال بہادر شاستری اسٹیڈیم میں منعقد کی گئی تھی جہاں انہیں تلنگانہ کی گورنر تاملیسائی سوندرراجن نے عہدے کا حلف دلایا ہے۔

یہ بھی پڑھئے: وزیر اعلیٰ کا انتخاب نہ کرنے پر کانگریس کی بی جے پی پر تنقید

ان کے علاوہ ان کی کابینہ کے ۱۱؍ ممبران نے بھی حلف لیا جن مالو بھٹی وکرمارکا (جو نائب وزیر اعلیٰ منتخب کئےگئے ہیں) اور تلنگانہ کانگریس چیف این اتم کمار ریڈی شامل ہیں۔ باقی ۸؍ ممبران جو کابینہ میں شامل ہوئے ہیں ان میں سریدھر بابو، پونم پربھاکر، کوماتیریڈی وینکٹ ریڈی، دامودر راجنارسیما، پونگولیٹی سری نواس ریڈی، دانا انسویا، تملا ناگیشور راؤ، کونڈا سریکھا اور جوپلی کرشنا راؤشامل ہیں۔ اس تقریب میں سونیا گاندھی، راہل گاندھی اور پرینکا گاندھی کے علاوہ کانگریس کے صدر ملکار جن کھرگے، کرناٹک کے وزیر اعلیٰ سدارمیا اور نائب وزیر اعلیٰ ڈی کے شیور کمار بھی موجود تھے۔ 

Congratulations to Shri Revanth Reddy Garu on taking oath as the Chief Minister of Telangana. I assure all possible support to further the progress of the state and the welfare of its citizens. @revanth_anumula

— Narendra Modi (@narendramodi) December 7, 2023

ریونت ریڈی کی حلف برداری کے بعد وزیر اعظم نریندر مودی نے انہیں ایکس کے ذریعے مبارکباد پیش کی اور مستقبل میں ریاست کی کامیابی کیلئے ہر ممکن مدد کی یقین دہانی کروائی ہے۔ مودی نے اپنے ایکس پوسٹ میں ریونت ریڈی کو مبارکباد پیش کرتے ہوئے لکھا کہ تلنگانہ کے نئے وزیر اعلیٰ کے طور پر حلف اٹھانے کیلئے ریونت ریڈی کو مبارکباد۔ میں مستقبل میں ریاست کی ترقی اور شہریوں کی فلاح و بہود کیلئے انہیں ہر ممکن مدد کی یقین دہانی کراتا ہوں۔