سعودی عرب نے مسجد نبویؐ آنے والے زائرین اور نمازیوں کی سہولت کے لیے ایک نیا ڈجیٹل پلیٹ فارم متعارف کرا دیا ہے، جس کے ذریعے مدینہ منورہ پہنچنے سے پہلے ہی اپنے دورے کی منصوبہ بندی کی جا سکے گی۔ حرمین شریفین انتظامیہ کی جانب سے جاری اس پلیٹ فارم میں لائیو کراؤڈ مانیٹرنگ، نقشہ، نماز کی جگہوں کی نشاندہی، زائرین کے لیے رہنمائی، عبادت گزاروں کے لیے گائیڈ اور بچوں کے لیے مہمان نوازی مرکز سمیت متعدد ڈجیٹل سہولیات شامل کی گئی ہیں۔

سعودی عرب نے مسجد نبویؐ کی زیارت کے لیے آنے والے لاکھوں زائرین اور نمازیوں کی سہولت کے پیش نظر ایک نیا جامع ڈجیٹل پلیٹ فارم متعارف کرا دیا ہے، جس کے ذریعے زائرین اپنے سفر سے پہلے ہی مسجد نبویؐ کے مختلف حصوں، بھیڑ کی صورتحال اور دستیاب خدمات کے بارے میں معلومات حاصل کر سکیں گے۔ یہ اقدام سعودی عرب کے ڈجیٹل ٹرانسفارمیشن پروگرام کا حصہ ہے، جس کا مقصد حرمین شریفین آنے والے مہمانوں کے لیے عبادت کو مزید آسان، منظم اور پرسکون بنانا ہے۔ حرمین شریفین انتظامیہ کی جانب سے جاری اس پلیٹ فارم میں لائیو کراؤڈ مانیٹرنگ، نقشہ، نماز کی جگہوں کی نشاندہی، زائرین کے لیے رہنمائی، عبادت گزاروں کے لیے گائیڈ اور بچوں کے لیے مہمان نوازی مرکز سمیت متعدد ڈجیٹل سہولیات شامل کی گئی ہیں۔

یہ بھی پڑھئے: عمرہ مہنگا ہوگیا،ویزا کی فیس میں اضافہ

انتظامیہ کے مطابق یہ تمام سہولیات ادارے کی سرکاری ویب سائٹ پر دستیاب ہیں۔ پلیٹ فارم زائرین کو نہ صرف سفر سے قبل منصوبہ بندی میں مدد دے گا بلکہ مسجد نبویؐ پہنچنے کے بعد بھی انہیں حقیقی وقت (Real-time) میں مختلف خدمات اور رہنمائی فراہم کرے گا۔ اس نئے پلیٹ فارم کی نمایاں خصوصیات میں Interactive Map شامل ہے، جس کے ذریعے مسجد نبویؐ کے داخلی و خارجی راستوں، مختلف حصوں اور سہولیات تک آسانی سے رسائی حاصل کی جا سکتی ہے۔ اسی طرح Live Crowd Monitoring فیچر کے ذریعے روضۂ رسول ﷺ پر سلام پیش کرنے والے راستے پر بھیڑ کی تازہ صورتحال دیکھی جا سکتی ہے، تاکہ زائرین کم ہجوم والے وقت کا انتخاب کر سکیں۔ 
پلیٹ فارم پر نماز کے لیے مختص مختلف مقامات کی Real-time Occupancy بھی دکھائی جائے گی، جس سے نمازیوں کو معلوم ہو سکے گا کہ کس حصے میں جگہ دستیاب ہے۔ اس کے علاوہ Visitor Services Portal، Manarat Al Haramain پلیٹ فارم، عبادت گزاروں کے لیے جامع رہنما (Worshipper’s Guide) اور بچوں کے لیے خصوصی Children’s Hospitality Centre کی معلومات بھی فراہم کی گئی ہیں، تاکہ خاندانوں سمیت آنے والے تمام زائرین کو بہتر سہولت میسر آ سکے۔ سعودی حکام کا کہنا ہے کہ اس منصوبے کا مقصد صرف ڈجیٹل سہولت فراہم کرنا نہیں بلکہ مسجد نبویؐ میں زائرین کی نقل و حرکت کو منظم بنانا، بھیڑ کم کرنا، عبادت کے دوران سکون برقرار رکھنا اور جدید ٹیکنالوجی کے ذریعے خدمات کے معیار کو بہتر بنانا بھی ہے۔ ادارے کے مطابق نئی سروس زائرین کو زیادہ باخبر فیصلے کرنے میں مدد دے گی اور ان کے مجموعی روحانی تجربے کو مزید خوشگوار بنائے گی۔

یہ بھی پڑھئے: مسلم ممالک کا مسجد اقصیٰ سےمتعلق مشترکہ اقدام پر غور، اسرائیل کے خلاف سخت ردِعمل

یہ اقدام سعودی عرب کی جانب سے حرمین شریفین میں ڈجیٹل خدمات کے مسلسل فروغ کا حصہ ہے۔ اس سے قبل مکہ مکرمہ میں Grand Mosque کے طواف اور سعی کے مقامات پر بھی بھیڑ کی صورتحال جاننے کے لیے جدید ڈجیٹل سروس متعارف کرائی گئی تھی، جبکہ عمرہ زائرین کے لیے متعدد رہنما پلیٹ فارمز اور اسمارٹ سسٹمز بھی شروع کیے جا چکے ہیں۔ ماہرین کے مطابق ان اقدامات کا مقصد Saudi Vision 2030 کے اہداف کے تحت زائرین کے تجربے کو جدید ٹیکنالوجی کے ذریعے بہتر بنانا اور ہر سال بڑھتی ہوئی تعداد میں آنے والے حجاج اور معتمرین کی مؤثر انداز میں خدمت کرنا ہے۔