آکلوج میں این سی پی سربراہ کی دھیریہ شیل موہیتے پاٹل سے ملاقات۔

شردپواراتوار کو ایک روزہ دورے کے تحت شولاپور ضلع کے آکلوج پہنچے۔ انکے ہمراہ کانگریس لیڈر سشیل کمارشندے بھی موجود تھے۔ دونوں ہی لیڈران نے وجئے سنگھ موہیتے پاٹل سے ملاقات کی اور ماڈھا اسمبلی حلقہ کے متعلق تبادلہ خیال کیا۔ اس دوران یہاں ذرائع ابلاغ کے نمائندوں سے بات چیت کے دوران این سی پی (شردچندرپوار)کے صدر شردپوار نے وزیراعظم مودی اور بی جے پی پر جم کر حملہ کیا۔ پوار نے کہا کہ’’وزیراعظم مودی اور روس کے صدر ولادیمیر پوتن میں کوئی فرق نہیں ہے، دونوں ہی لیڈران جمہوریت کو دھیرے دھیرے ختم کرنے اوراپوزیشن کے وجود کو مٹانے میں لگے ہوئے ہیں۔ ‘‘ انہوں نے کہا کہ’’شولاپور میں تمام مقامی لیڈران اکھٹا ہوئے ہیں، اس الیکشن میں پارٹی نے جودونوں امیدوار طے کئے ہیں،ان کی جیت کیلئے ہم سبھی تیار ہیں۔

یہ بھی پڑھئے: کانگریس کی نئی لسٹ میں کنہیا کمار کو بھی ٹکٹ

ماڈھا پارلیمانی حلقہ سے دھیریہ شیل موہیتے پاٹل الیکشن لڑیں،یہ ہماری خواہش تھی۔ آج ہم نے ملاقات کرکے اسی پر بات چیت کی۔ دھیریہ شیل پاٹل این سی پی کے ریاستی صدر جینت پاٹل کی موجودگی میں پارٹی میں شامل ہوں گے۔‘‘
 این سی پی کے قومی سربراہ شرد پوار نے یہ بھی کہا کہ ’’شولاپور ضلع ہمیشہ سے ترقی پسند سوچ کا حامل رہاہے،اسلئے  ہمیں یقین ہےکہ اس الیکشن میں ہمارے دونوں ہی امیدوار منتخب ہوں  گے۔‘‘ایک دیگر سوال کے جواب میں شردپوار نے کہا کہ’’بی جے پی کے انتخابی منشور پر تبصرہ کرنے کا فی الوقت یہ مناسب وقت نہیں لیکن میں کہہ سکتا ہوں کہ بی جے پی صرف وعدے کرنا ہی جانتی ہے۔‘‘