منگل کو ٹربیولنس کا شکار ہوجانے والے سنگاپور ایئرلائنز کے طیارے کے ان مسافروں کو اسپتال سے چھٹی دے دی گئی ہے جو معمولی زخمی ہوئے تھے۔ بنکاک کے ایک اسپتال نے بتایا کہ شدید زخمی افراد کو ریڑھ کی ہڈی کے آپریشن کی ضرورت ہے۔ ایک ۷۳؍ سالہ برطانوی مسافر جاں بحق ہوگئے ہیں۔

بنکاک کے ایک اسپتال نے آج بتایا کہ سنگاپور ایئر لائنز کے طیارے میں ہچکولے (ٹربیولنس) کے سبب شدید زخمی مسافروں کو ریڑھ کی ہڈی کے آپریشن کی ضرورت ہے۔ اس حادثے کے بعد ۲۰؍ افراد انتہائی نگہداشت میں رہے جبکہ ایک ۷۳؍ سالہ برطانوی مسافر انتقال کرگیا۔ واضح رہے کہ یہ طیارہ بوئنگ ۷۷۷؍  تھا جو لندن کے ہیتھرو ہوائی اڈے سے سنگاپور کیلئے اُڑ رہا تھا۔ منگل کو بحیرۂ انڈمان میں ٹربیولنس کے سبب مسافروں کو شدید جھٹکے لگے۔ سمیتی ویج سریناکرین اسپتال کے ایک اہلکار نے بتایا کہ دیگر مقامی اسپتالوں سے ماہرین کی ٹیم کی خدمات حاصل کی گئی ہے۔

Turbulensi yang luar biasa mengerikan.

Pesawat Singapore Airlines turun mendadak dari 37 ribu kaki ke 31 ribu kaki di perjalanan dari London.

Kabarnya ada satu penumpang yang bahkan meninggal dunia.pic.twitter.com/FoJanWJl93

— Zulfikar Akbar (@zoelfick) May 21, 2024

اب تک معلوم نہیں ہوسکا ہے کہ طیارہ کو ٹربیولنس کیوں لگے تھے۔ اس وقت پرواز میں ۲۱۱؍ مسافر اور عملے کے ۱۸؍ ارکان تھے۔ ٹربیولنس کے دوران طیارہ تقریباً ۳؍ منٹ میں ۶؍ ہزار فٹ نیچے آگیا تھا اور اس کا رُخ فوری طور پر تھائی لینڈ کی جانب موڑ دیا گیا تھا۔آئی سی یو میں داخل مریضوں میں چھ برطانوی، چھ ملائیشیائی، تین آسٹریلوی، دو سنگاپوری اور، ہانگ کانگ، نیوزی لینڈ اور فلپائن کا ایک ایک شخص شامل ہے۔ سمیتی ویج اسپتال نے کل ۱۰۴؍ مریضوں کو طبی امداد فراہم کی ہے۔

یہ بھی پڑھئے: عالمی عدالت جمعہ کو جنوبی افریقہ کی جنگ بندی کی درخواست پر فیصلہ سنائے گی

تھائی حکام نے بتایا کہ ممکنہ طور پر ہلاک ہونے والے برطانوی شخص کو دل کا دورہ پڑا تھا۔ مسافروں نے بتایا کہ کس طرح پرواز کے عملے نے تقریباً ۲۰؍  منٹ تک سی پی آر کی مدد سے انہیں زندہ رکھنے کی کوشش کی تھی۔