ایک سروے کے مطابق دوسری جنگ عظیم کا قتل عام پولینڈ کے یوکرینیوں کے بارے میں منفی رویے کی سب سے بڑی وجہ ہے، سماجی فوائد کے بارے میں تحفظات دوسرے نمبر پر، جبکہ ایک علاحدہ سروے پولینڈ-یوکرینی تعلقات کے بارے میں منفی خیالات کو ریکارڈ بلند سطح پر ظاہر کرتا ہے۔

بدھ کو شائع ہونے والے ایک سروے کے مطابق، دوسری جنگ عظیم کے دور کے وولہینیا قتل عام پر تاریخی تنازعات پولینڈ میں یوکرینیوں کے بارے میںمنفی رویوں کی سب سے زیادہ بتائی جانے والی وجہ ہیں۔ پولش اخبار Dziennik Gazeta Prawna کے لیے پولنگ ایجنسی CBOS کے ذریعے کیے گئے اس سروے میں پایا گیا کہ۴۵؍ اعشاریہ ۴؍ فیصد جواب دہندگان نے وولہینیا قتل عام اور تاریخی یادداشت کے وسیع تر سوالات پر تنازعات کو پولینڈ میں یوکرینیوں کے بارے میں بڑھتے ہوئے منفی رویوں کے پیچھے ایک عنصر قرار دیا۔ جبکہ یوکرینیوں کی سماجی فوائد تک رسائی کے بارے میں تحفظات دوسرے نمبر پر رہے، جن کا حوالہ۳۶؍ اعشاریہ ۴؍فیصد جواب دہندگان نے دیا۔ دیگر ۲۶؍ اعشاریہ ۲؍ فیصد نے روسی پروپیگنڈا اور آن لائن غلط معلومات کی طرف اشارہ کیا، جبکہ ۲۴؍ اعشاریہ ۲؍نے یوکرینی سیاستدانوں کے بیانات کا حوالہ دیا۔

یہ بھی پڑھئے: انتونیو غطریس نے غزہ اور سوڈان میں قحط کی تصدیق کو ’شرمناک سنگِ میل‘ قرار دیا

واضح رہے کہ یہ نتائج پولش-یوکرینی تعلقات میں تاریخی تنازعات کے بڑھتے ہوئے کردار کو اجاگر کرتے ہیں، اس حقیقت کے باوجود کہ۲۰۲۲ء میں روس کے ساتھ جنگ شروع ہونے کے بعد سے پولینڈ یوکرین کا سب سے مضبوط سیاسی اور فوجی حامیوں میں سے ایک ہے۔ اس ماہ کے شروع میں CBOS کے ایک علاحدہ سروے میں پایا گیا کہ پولس کا تناسب جو پولش-یوکرینی تعلقات کو منفی طور پر دیکھتے ہیں بڑھ کر۴۶؍ فیصد ہو گیا ہے، جو اب تک کی سب سے زیادہ ریکارڈ شدہ سطح ہے۔

یہ بھی پڑھئے: کیوبا امریکہ سے بات چیت کیلئے تیار مگر کوئی پیشگی شرط قبول نہیں: صدر دیاز کانیل

واضح رہے کہ اس موسم گرما کے شروع میں یوکرین کے ایک فوجی یونٹ کا نام یوکرینی انسارجنٹ آرمی (UPA) کے نام پر رکھنے کے فیصلے سے بڑھ گئی تھی، جسے پولینڈ میں بنیادی طور پر وولہینیا قتل عام سے منسلک کیا جاتا ہے۔ وولہینیا اور مشرقی گلیشیا میں ۱۹۴۳ء تا ۴۴ءکے دوران یوکرینی قوم پرست افواج کے ہاتھوں دسیوں ہزار پولش شہری مارے گئے تھے، جبکہ پولش افواج کی جانب سے انتقامی کارروائیوں میں یوکرینی بھی مارے گئے تھے۔ پولینڈ کی پارلیمنٹ نے سرکاری طور پر ان ہلاکتوں کو نسل کشی قرار دیا ہے، جبکہ یوکرین نے عام طور پر UPA کو نازی جرمنی اور سوویت حکمرانی دونوں کے خلاف اپنی وسیع تر جدوجہد کے ایک حصے کے طور پر خراج عقیدت پیش کیا ہے۔ بعد ازاں وارسا نے کیف پر پولش متاثرین کی مزید نکاسی اور یادگاری تقریبات کی اجازت دینے کے لیے بار بار زور دیا ہے، جبکہ دونوں حکومتوں نے روس کے ساتھ جنگ کے دوران تاریخی تنازعات کو تعاون کے عمل کو نقصان پہنچانے سے روکنے کی کوشش کی ہے۔