۹۰ ؍کروڑ کی لاگت سے تزئین و تجدید کاری آخری مراحل میں۔ خودکار زینے اور لفٹ نصب، ۹۰ فیصد کام مکمل، مسافروں کو ملے گی بڑی راحت۔

مغربی ریلوے کے مصروف ترین اسٹیشنوں میں سے ایک میراروڈ ریلوے اسٹیشن کی تزئین و تجدید کاری کا کام تیزی سے اپنے اختتام پر ہے۔ یہ کام ممبئی ریل وکاس کارپوریشن کے ذریعے ممبئی اربن ٹرانسپورٹ پروجیکٹ کے تحت ۹۰ کروڑ روپے کی لاگت سے کیا جا رہا ہے ذرائع کے مطابق اس پروجیکٹ کا تقریباً ۹۰ فیصد کام مکمل ہو چکا ہے۔ اسٹیشن پر خودکار زینوں (ایسکلیٹر) اور لفٹ کی تنصیب مکمل کر لی گئی ہے۔

یہ بھی پڑھئے:میرا بھائندر، مستقبل کا اسمارٹ سٹی، اُمید تو یہی ہے!

کام کی نمایاں خصوصیات 

اس تجدید کاری منصوبے کے تحت پلیٹ فارم نمبر ۱ کی چوڑائی ۶ میٹر سے بڑھا کر ۱۰ میٹر کی گئی ہے، ۲۴۰ میٹر لمبا اور ۱۰ میٹر چوڑا ڈیک بنایا گیا ہے، ۵ نئے ایسکلیٹر اور ۳ لفٹ نصب کیے گئے ہیں۔ اس کے علاوہ ۱۰ میٹر چوڑا نیا فوٹ اوور برج، اسٹیشن مینیجر آفس اور مسافروں کے لیے جدید لاؤنج بھی تعمیر کیا جا رہا ہے۔ یقیناً اس پروجیکٹ کی تکمیل کے بعد میراروڈ اسٹیشن کی بھیڑ،دھکم پیل اور خطرات کم ہوں گے اور مسافروں کو عالمی معیار کا آرام دہ اسٹیشن ملے گا۔