جی ۲۰؍کی رپورٹ کے مطابق چین میں امیر آبادی کی دولت میں ۵۴؍ فیصد اضافہ ہوا، جب کہ امریکہ میں ۱۹۸۰ء کے بعد ترقی میں تیزی آئی، اس کے بعد سے اب تک سب سے امیر ایک فیصد لوگوں کی دولت میں مجموعی طور پر ۵؍ فیصد اضافہ ہوا۔

جی ۲۰؍ کی جنوبی افریقہ کی صدارت کی نئی رپورٹ میں کہا گیا ہے کہ۲۰۰۰ء سے ۲۰۲۳ء کے درمیان ہندوستان کے ایک فیصد امیر ترین افراد کی دولت میں ۶۲؍ فیصد اضافہ ہوا۔  رپورٹ کے مطابق چین میں امیر آبادی کی دولت میں ۵۴؍ فیصد اضافہ ہوا، جب کہ امریکہ میں ۱۹۸۰ء کے بعد ترقی میں تیزی آئی، اس کے بعد سے اب تک سب سے امیر ایک فیصد لوگوں کی دولت میں مجموعی طور پر ۵؍ فیصد اضافہ ہوا۔ 
نوبیل  انعام یافتہ ماہر معاشیات جوزف اسٹگلٹز کی تحقیق میں متنبہ کیا گیا ہے کہ عالمی عدم مساوات ’’ہنگامی سطح‘‘ تک پہنچ چکی ہے، جس سے جمہوریت، اقتصادی استحکام اور موسمیاتی تبدیلی کو خطرہ لاحق ہے۔ عالمی عدم مساوات پر آزاد ماہرین کی جی۲۰؍ کی ہنگامی کمیٹی کی تیار کردہ رپورٹ میں ماہر اقتصادیات جیتی گھوش، وینی بیانیما اور عمران بالودیا شامل ہیں۔ 
رپورٹ میں کہا گیا ہے کہ دنیا کی امیر ترین ایک فیصد آبادی نے۲۰۰۰ء سے۲۰۲۴ء کے درمیان پیدا ہونے والی تمام نئی دولت کا۴۱؍ فیصد حاصل کیا جب کہ غریب نصف عالمی آبادی کو صرف ایک  فیصد ملا۔  رپورٹ میں کہا گیا ہے کہ چین اور ہندوستان جیسے بڑے ممالک میں آمدنی میں اضافے سے کچھ ممالک کے اندر عدم مساوات میں معمولی کمی آئی ہے، جس سے عالمی جی ڈی پی میں زیادہ آمدنی والے ممالک کا کل حصہ کم ہوا ہے۔ تاہم بیشتر ممالک میں عدم مساوات میں تیزی سے اضافہ ہوا ہے۔۲۰۰۰ء اور ۲۰۲۳ء کے درمیان  امیر ترین ایک  فیصد افراد نے آدھے سے زیادہ ممالک کی مجموعی دولت میں اپنا حصہ بڑھایا، جو کہ عالمی آبادی کے ۷۴؍ فیصد کے برابر ہے۔ 

یہ بھی پڑھئے:کشمیر میں فلمی صنعت کی واپسی: جنوبی ہند کی فلم ٹیم نے شوٹنگ شروع کی

جی ۲۰؍ کی رپورٹ میں کہا گیا ہے کہ انتہائی عدم مساوات ایک متبادل ہے، ضرورت نہیں ہے  اور اسے سیاسی عمل اور عالمی تال میل کے ذریعے کم کیا جا سکتا ہے۔ اس میں کہا گیا ہے کہ اس کوشش کی قیادت کرنے میں جی۲۰؍کا کلیدی کردار ہے۔  جی۲۰؍ کی رپورٹ میں ایک نیا ادارہ بنانے کا مشورہ دیا گیا ہے، جیسے بین الاقوامی پینل برائے عدم مساوات (آئی پی آئی)  اور بین حکومتی پینل آن کلائمیٹ چینج (آئی پی سی سی)۔ یہ پینل دنیا بھر میں عدم مساوات کے رجحانات کو ٹریک کرے گا اور حکومتوں کو پالیسیوں کی رہنمائی کے لیے واضح، قابل اعتماد ڈیٹا فراہم کرے گا۔