ٹرمپ نے ’’ٹرمپ آر ایکس‘‘ نامی سستی ادویات کی ویب سائٹ شروع کی، اس کے ذریعے وزن کم کرنے اور حمل آور ادویات رعائتی داموں میں دستیاب کرائی جائیں گی۔

امریکی صدر ڈونالڈ ٹرمپ نےاپنے نام سے منسوب ایک ویب سائٹ ،’’ٹرمپ آر ایکس‘‘ کی شروعات کی ہے جو صارفین کو وزن میں کمی اورحمل آورادویات سمیت رعایتی نسخے تک رسائی فراہم کرے گی۔جمعرات کو وائٹ ہاؤس میں پلیٹ فارم کا اعلان کرتے ہوئے ٹرمپ نے کہا کہ درجنوں عام استعمال ہونے والی ادویات نمایاں طور پر کم قیمت پر دستیاب ہوں گی۔انہوں نے کہا، ’’آج رات سے، سب سے زیادہ استعمال ہونے والی درجنوں نسخے کی ادویات تمام صارفین کے لیے حیرت انگیز رعایت پر دستیاب ہوں گی۔‘‘

یہ بھی پڑھئے: فرانس: غزہ امداد روکنے پر دو فرانسیسی نژاد اسرائیلی شہریوں کے خلاف وارنٹ جاری

دریں اثناء ٹرمپ نے یہ دلیل دیتے ہوئے کہ امریکی صارفین موثر طریقے سے دوسری جگہوں پر ادویات کو سبسڈی دے رہے تھے، کہا کہ امریکیوں نے طویل عرصے سے دنیا بھر میں ادویات کی سب سے زیادہ قیمتیں ادا کی ہیں۔صدر کے مطابق، فارماسیوٹیکل کمپنیوں ایلی للی اور نووو نارڈسک نے اس سائٹ کے ذریعے اپنی جی ایل پی ۱؍، وزن میں کمی کی ادویات پر نمایاں رعایت فراہم کرنے پر اتفاق کیا ہے۔نووو نارڈسک کی اوزیمپک کی قیمت ایک ماہ میں ایک ہزار ڈالر سے زیادہ سےکم ہو کر۱۹۹؍ ڈالر ہو جائے گی، جبکہ ایلی للی کے ویگووی کی قیمت۱۳۰۰؍ ڈالر سےکم ہو کر ۱۹۹؍ ڈالر ہو جائے گی۔
بعد ازاں ویب سائٹ پر موجود معلومات کے مطابق، ابتدائی دو ماہ کی مدت کے بعد قیمتیں بتدریج بڑھائی جائیں گی۔ٹرمپ نے مزید کہا، ’’ہم بنیادی طور پر پوری دنیا کو سبسڈی دے رہے تھے اور ہر سال سیکڑوں اربوں ڈالر کی سبسڈی دے رہے تھے۔ریاستہائے متحدہ دنیا کی آبادی کا صرف۴؍ فیصد ہے اور تمام نسخے کی ادویات کا صرف۱۳؍ فیصد استعمال کرتا ہے۔ پھر بھی فارماسیوٹیکل کمپنیاں ان ادویات سے۷۵؍ فیصد منافع کما رہی ہیں۔ اس پر غور کریں۔ ان کی کمائی کا۷۵؍ فیصد ریاستہائے متحدہ سے آتا ہے۔‘‘دریں اثناء ٹرمپ آر ایکس ڈاٹ گوو پر دمہ، بانجھ پن اور موٹاپے جیسی بیماریوں کے لیے رعایت کے ساتھ۴۳؍ نسخے کی ادویات درج ہیں۔افتتاحی تقریف کے دوران، اہلکاروں نے ایک خاتون کو متعارف کرایا جسے ٹرمپ آر ایکس کے ذریعے رعایتی حمل آورکی دوا حاصل کرنے والا اولین بتایا گیا۔مہمیٹ اوز، جو میڈیکیئر اور میڈیکیڈ سروسز سینٹرز کے منتظم کے طور پر خدمات انجام دے رہے ہیں، نے کہا، ’’ان اخراجات  میں کمی کےنتیجے میں ہمارے پاس بہت سے ننھے ٹرمپ ہوں گے۔‘‘

یہ بھی پڑھئے: راین روتھ کو ٹرمپ پر قاتلانہ حملے کی کوشش پر عمر قید کی سزا

تاہم وائٹ ہاؤس نے کہا کہ ویب سائٹ کا ۴۰؍ سے زیادہ ادویات پر بچت کے ساتھ آغاز ہو رہا ہے۔صارفین کسی دوا کی تلاش کر سکتے ہیں، ایک کوپن پرنٹ کر سکتے ہیں اور اسے کم قیمت حاصل کرنے کے لیے فارمیسی میں پیش کر سکتے ہیں۔ٹرمپ نے ڈرگ میکرز کے ساتھ قیمتوں کے ایک سلسلے کو فروغ دیا ہے، انہیں موسٹ فیورڈ نیشن قیمتوں کو اپنانے کی ترغیب دی ہے جو دیگر امیر ممالک میں کم قیمتوں سے منسلک ہے۔بدلے میں، کمپنیوں نے مراعات حاصل کی ہیں، بشمول گزشتہ سال ٹرمپ کےصدارتی دفتر واپس آنے کے بعد سے عائد کردہ ٹیرف سے نجات۔ واضح رہے کہ یہ اقدام اس وقت سامنے آیا ہے جب ٹرمپ نومبر کے وسط مدتی انتخابات سے پہلے رہائشی اخراجات پررائے دہندگان کی مایوسی کو دور کرنے کی کوشش کر رہے ہیں، جس میں ریپبلکن کو کانگریس پر کنٹرول کھونے کا خطرہ ہے۔