ٹرمپ نے امریکی خاتون کانگریس ایلہان عمر پر نیا بہتان لگاتے ہوئے کہا کہ انہوں نے امریکہ میں داخلے کیلئے اپنے بھائی سے شادی کی، ساتھ ہی ان کے حجاب پر طنز کرتے ہوئے کہا کہ وہ ہمیشہ اپنے کفن نما حجاب میں لپٹی رہتی ہیں۔

صومالیہ میں پیدا ہونے والی امریکی کانگریس خاتون ایلہان عمر پر ایک نیا بہتان لگاتے ہوئے، صدر امریکہ ڈونالڈ ٹرمپ نے اپنا وہ بے بنیاد دعویٰ دہرایا کہ انہوں نے امریکہ میں داخلے کے لیے اپنے بھائی سے شادی کی تھی۔ صدر امریکہ نے ٹروتھ سوشل پر پوسٹ کرتے ہوئے الزام لگایا کہ عمر غیرقانونی طور پر امریکہ داخل ہوئیں ، ساتھ ہی انہیں امریکہ کی ’’بدترین کانگریس خاتون ‘‘ قرار دیا۔ انہوں نے مسلم کانگریس خاتون کے حجاب پر بھی تبصرہ کیا۔ٹرمپ نے کہا، ’’ایلہان عمر، جو ہمیشہ اپنے کفن نما حجاب میں لپٹی رہتی ہیں، اور جو شاید غیرقانونی طور پر امریکہ آئیں کیونکہ ہمارے ملک،میں  اپنے بھائی سے شادی کی اجازت نہیں،  امریکہ کے آئین اور اپنے ساتھ برے سلوک کے بارے میں صرف نفرت انگیز شکایات ہی کرتی رہتی ہیں۔‘‘

یہ بھی پڑھئے: امریکہ نے افغان شہریوں کے ویزا اورپناہ گزینی سے متعلق درخواست پر روک لگائی

ٹرمپ نے صومالیہ کو ’’زوال زدہ، پسماندہ اور جرائم سے بھرپور ملک‘‘ قرار دیا۔اس سے قبل، ستمبر میں، ٹرمپ نے ٹروتھ سوشل پر پوسٹ کرتے ہوئے کہا تھا، "ایلہان عمر کا ملک صومالیہ مرکزی حکومت کے کنٹرول کی کمی، مسلسل غربت، بھوک، دہشت گردی میں اضافہ، سمندری قذاق، دہائیوںسے جاری خانہ جنگی، بدعنوانی اور ہر جگہ پھیلی ہوئی تشدد کی لپیٹ میں ہے۔بعد ازاں انہوں دوبارہ بہتان لگاتے ہوئے کہا کہ ’’کیا وہی نہیں تھی جس نے شہریت حاصل کرنے کے لیے اپنے بھائی سے شادی کی تھی؟؟؟ ہمارے ملک میں کس قسم کے گھٹیا لوگ ہیں، جو ہمیں بتا رہے ہیں کہ کیا کریں اور کیسے کریں۔ اس معاملے پر آپ کی توجہ کا شکریہ۔ امریکہ کو پھر سے عظیم بنائیں!‘‘

یہ بھی پڑھئے: یورپی ممالک نے مغربی کنارے میں اسرائیلی آبادکاروں کے بڑھتے تشدد کی مذمت کی

واضح رہے کہ ایلہان کے اپنے بھائی سے شادی کرنے کا الزام اب کئی سالوں سے چلا آ رہا ہے، لیکن متعدد تحقیقات نے ثابت کیا ہے کہ یہ دعویٰ غلط ہے۔ انہوں نے ۲۰۱۶ء میں اسے مسترد کرتے ہوئے کہا تھا کہ یہ ’’بالکل غلط اور مضحکہ خیز‘‘ہے۔ اور اس کے ثبوت کے طور پر انہوں نے اپنی ازدواجی تاریخ بھی فراہم کی تھی۔