ترکی کے ایتھنو اسپورٹ کلچر فیسٹیول نے غزہ کے بچوں کو خراج پیش کرنے کیلئے کھلونوں کی نمائش کی۔ فیسٹیول میں ’’سولیڈیریٹی کیمپس‘‘ بنائے گئے جن میں غزہ کو اظہار یکجہتی پیش کرنے کیلئے کھلونے اور دیگرعلامتی اشیاء رکھی گئیں۔

ترکی نے ساتویں ایتھنو اسپورٹ کلچر فیسٹیول میں روایتی کھیلوں، ثقافتی ورثے اوردیگر چیزوں کی نمائش کے علاوہ غزہ کے بچوں کو بھی یاد کیا گیا۔ امسال فیسٹیول نے غزہ میں ہلاک ہونے والے سیکڑوں بچوں کو خراج عقیدت پیش کیا۔

From horseback archery to traditional games, world cuisine to cultural workshops, the 7th Ethnosport Culture Festival showcases culture, cuisine and arts right here in Istanbul pic.twitter.com/CbKkT602kn

— TRT World (@trtworld) May 23, 2025

۲۵؍مئی ۲۰۲۵ء سے شروع ہونےو الے اس فیسٹیول میں ’’سولیڈیریٹی کیمپس‘‘ بنائے گئے ہیں جو غزہ کے بچوں کی آواز بن کر گونج رہے تھے۔ ان خیموں میں علامتی نمائش کی گئی ہے، کھلونے رکھے گئے ہیں جو نشاندہی کرتے ہیں کہ غزہ کے بچے دوبارہ کھیل نہیں سکیں گے، غزہ سے متاثر ہو کر بنائی گئی آئل پینٹنگس کی نمائش کی گئی جنہیں فروخت کر کے غزہ کی مدد کیلئے فنڈ جمع کیا جاسکے گا۔ علاوہ ازیں فلسطین کی حمایت میں بینرز لگائے ہیں۔

یہ بھی پڑھئے: پیرو: ہند رجب فاؤنڈیشن کی شکایت پر اسرائیلی جنگی جرائم کے خلاف فوجداری تفتیش

فیسٹیول میں او ر کیا ہے
فیسٹیول میں تربوز کی شکل میں غزہ کا ایک میپ بنایا گیا ہے اور خون میں لپٹی صحافیوں کی پوشاک رکھی گئی ہے جو جنگ میں ہلاک ہونےوالے میڈیا کے نمائندوں کی نشاندہی کرتی ہے۔ فیسٹیول کا دورہ کرنے والے افراد کا بائیکاٹ کی جانے والی چیزوں کی فہرست دی گئی ہے جن کا مقصد آگاہی پھیلانا اور اسرائیل کے خلاف کارروائی کو فروغ دینا ہے۔

یہ بھی پڑھئے: جرمنی: ہمبرگ میں چاقو زنی کی واردات، ۱۸؍ افرادزخمی

فیسٹیول کا دورہ کرنے والے ایک کارڈینیٹر تولے گوکسی مین نے بتایا ہے کہ ’’خیموں کے اندر بنائی گئی نقل غزہ کے خطرناک حالات کی عکاسی کر رہے تھے۔‘‘ انہوں نے مزید کہا کہ ’’ہم نے ویزیٹرز کو بتایا کہ ’’غزہ کے باشندے پورے ہفتے میں ۲۴؍ گھنٹہ یہ آوازیں سنتے ہیں اور آپ اسے ایک گھنٹہ بھی برداشت نہیں کرسکتے۔‘‘

🔴7. Etnospor Kültür Festivali, yerli ve yabancı ziyaretçilerin yoğun ilgisiyle başladı.

▪️İstanbul Atatürk Havalimanı`nda 4 gün sürecek festivale girişler ücretsiz. pic.twitter.com/zH7Fuertc7

— EHA MEDYA (@eha_medya) May 22, 2025

گوکسی میں نے علامت کے طور پر نمائش کئے گئے کھلونوں کے ذریعے پھیلانے والے پیغام پر زور دیتے ہوئے کہا کہ ’’اگر اسرائیل نے نسل کشی کا ارتکاب نہ کیا ہوتا تو یہ بچے ان کھلونوں سے کھیل سکتے تھے۔ وہ ہماری اور آپ کی طرح اس فیسٹیول کا دورہ بھی کر سکتے تھے۔‘‘ ایتھنو فیسٹیول نے اسے جشن کے علاوہ غزہ سے اظہار تعزیت کا موقع بھی بنایا۔