یہ پلیٹ فارم عدالتی کارروائی کے متعدد مراحل میں مصنوعی ذہانت کو مربوط کرتا ہے۔ یہ کیس کی فائلوں اور قانونی دستاویزات کا خود کار طریقے سے جائزہ لے سکتا ہے، قوانین اور انتظامی فریم ورک تک فوری رسائی فراہم کر سکتا ہے، سابقہ عدالتی نظائر کو تیزی سے بازیافت اور ان کا موازنہ کرسکتا ہے، تجزیاٹی قانونی رپورٹیں اور سفارشات تیار کرسکتا ہے اور کیس کی کارروائی کے وقت کو تیز کرنے جیسے کئی کام انجام دے سکتا ہے۔

متحدہ عرب امارات (یو اے ای) نے دنیا کے پہلے مکمل طور پر مربوط مصنوعی ذہانت (اے آئی) پر مبنی عدالتی پلیٹ فارم کی نقاب کشائی کی ہے۔ یہ پہل قانونی نظام کے کام کرنے کے طریقۂ کار میں ایک تاریخی تبدیلی کی نشاندہی کرتی ہے اور متحدہ عرب امارات کو اے آئی پر مبنی عدالتی نظام میں دنیا بھر میں پیش پیش بناتا ہے۔ یو اے ای کے نائب صدر، نائب وزیرِ اعظم اور صدارتی دیوان کے چیئرمین شیخ منصور بن زاید آل نہیان نے ایکس پر اس کے افتتاح کا اعلان کرتے ہوئے اسے ”نئی عالمی کامیابی“ قرار دیا جو متحدہ عرب امارات کے ”اس پختہ یقین کی عکاسی کرتی ہے کہ جدت طرازی، زیادہ موثر اور تیز تر عدالتی نظام کی راہ ہے۔“

یہ بھی پڑھئے: غزہ: اپنی دیوار گیر تصویر پر پیڈرو سانچیز نے فلسطینی بچی لیان اور فنکاروں کا شکریہ ادا کیا

یہ پلیٹ فارم عدالتی کارروائی کے متعدد مراحل میں مصنوعی ذہانت کو مربوط کرتا ہے۔ یہ کیس کی فائلوں اور قانونی دستاویزات کا خود کار طریقے سے جائزہ لے سکتا ہے، قوانین اور انتظامی فریم ورک تک فوری رسائی فراہم کر سکتا ہے، سابقہ عدالتی نظائر کو تیزی سے بازیافت اور ان کا موازنہ کرسکتا ہے، تجزیاٹی قانونی رپورٹیں اور سفارشات تیار کرسکتا ہے اور اور کیس کی کارروائی کے وقت کو تیز کرنے جیسے کئی کام انجام دے سکتا ہے۔ حکام نے اس بات پر زور دیا کہ پلیٹ فارم کو ججوں کی جگہ لینے کیلئے ڈیزائن نہیں کیا گیا ہے۔ حتمی فیصلے مکمل طور پر عدالتی حکام کے ہاتھوں میں رہتے ہیں، جبکہ اے آئی انسانی نگرانی کے تحت کام کرنے والے جدید قانونی معاون کے طور پر کام کرتا ہے۔

عالمی سطح پر یو اے ای کے اس اقدام کو اسی طرح کی دیگر کوششوں سے ممتاز کرنے والی چیز اس کا مکمل طور پر مربوط ہونا ہے۔ اگرچہ متعدد ممالک نے قانونی تحقیق یا عدالتی انتظامیہ کیلئے الگ الگ اے آئی ایپلی کیشنز متعارف کرائی ہیں، لیکن متحدہ عرب امارات نے ایک ہی جامع عدالتی نظام کے اندر متعدد اے آئی پر مبنی قانونی افعال کو یکجا کیا ہے، جو دنیا میں اپنی نوعیت کا پہلا نظام ہے۔

یہ بھی پڑھئے: حوثیوں کا سعودی خام تیل ٹرانسپورٹ انفراسٹرکچر کو نشانہ بنانے کا دعویٰ

معاشی اور قانونی اثرات

یو اے ای کو امید ہے کہ یہ پلیٹ فارم مقدمہ بازی کے وقت کو کم کرے گا، انتظامی اخراجات میں کمی لائے گا، قانونی اصولوں کے اطلاق میں تسلسل کو بہتر بنائے گا اور سرمایہ کاروں کے اعتماد کو مضبوط کرے گا۔ بین الاقوامی معاشی مطالعے مسلسل عدالتی کارکردگی کو غیر ملکی براہِ راست سرمایہ کاری کو راغب کرنے میں ایک اہم عنصر کے طور پر تسلیم کرتے ہیں، جو اس پلیٹ فارم کو عدالت کے کمرے سے باہر بھی اسٹریٹجک طور پر اہم بناتا ہے۔

قانونی ماہرین نے حساس عدالتی معلومات کی حفاظت، اے آئی کی تیار کردہ سفارشات میں شفافیت، الگورتھمک تعصب کی روک تھام جیسے چند اہم چیلنجوں کی نشان دہی کی ہے جن سے نمٹنا ضروری ہے۔ ماہرین نے تمام حتمی فیصلوں پر ججوں کے واحد اختیار کو برقرار رکھتے ہوئے واضح قانونی جواب دہی کو قائم رکھنے پر زور دیا ہے۔